Jesu eerire arũmĩrĩri ake ‘magatue andũ arutwo kuuma ndũrĩrĩ-inĩ ciothe.’ (Mathayo 28:19, 20) Hĩndĩ ĩrĩa aatũmire arutwo ake a mbere, Jesu aamerire mathiĩ mĩciĩ-inĩ ya andũ. (Mathayo 10:7, 11-13) Thutha wa gĩkuũ kĩa Jesu, Akristiano a matukũ macio nĩ maathiire na mbere kũhunjia “mũingĩ-inĩ na nyũmba kwa nyũmba.” (Atũmwo 5:42; 20:20) Tũrũmagĩrĩra kĩonereria kĩa Akristiano acio, na nĩ tuonaga kũhunjia nyũmba kwa nyũmba nĩ njĩra njega ya gũkinyĩra andũ.