Mano ba synshar ïa ka pyrthei?
Phi tharai dei . . .
-
U Blei?
-
ki briew?
-
u Soitan?
AÏU KA BAIBL KA ONG
“Ka pyrthei baroh kawei ka thiah khop hapoh uta uba sniew.”—1 Ïoannis 5:19.
“Ïa kane khnang la pynpaw ïa u Khun U Blei, ba un pynjot noh ïa ki jingleh jong uta u Soitan.”—1 Ïoannis 3:8, BSI O.V. Reference.
KATA KAN MUT AÏU ÏA PHI
Ki jingbatai kiba shai shaphang ki jingjynjar jong ka pyrthei.—Jingpynpaw 12:12.
Ka daw ban ngeit ba ka pyrthei jong ngi kan sa kylla sha kaba bha.—1 Ïoannis 2:17.
HATO NGI LAH BAN NGEIT ÏA KAEI BA KA BAIBL KA ONG?
Hooid, namar lai tylli ki daw:
-
Ka jingsynshar jong u Soitan kan shah pynjot. U Jehobah u la rai ban pynkut ïa ka jingsynshar jong u Soitan halor u bynriew. U kular ban “pynjot noh ïa ki jingleh jong uta u Soitan.”—1 Ïoannis 3:8.
-
U Blei u la jied ïa u Jisu Khrist ban synshar ïa ka pyrthei. U Jisu u long markhongpong ïa une u nongsynshar uba sniew bad uba sarong uba synshar ïa ka pyrthei mynta. Ha kaba ïadei bad ka jingsynshar jong u Jisu, U Blei u kular: “Un isynei ïa uba duk bad uba kyrduh . . . un pyllait ïa ka mynsiem jong ki na ka jingbanbeiñ bad ka jingleh jubor.”—Salm 72:13, 14.
-
U Blei um lah ban lamler. Ka Baibl ka la thoh shai ba “ka long kabym lah ïa U Blei ban lamler.” (Hebru 6:18) Haba U Jehobah u kular ban leh eiei, ka long kumba u la pyndep. (Isaïah 55:10, 11) “Yn shop noh shabar ïa u syiem jong kane ka pyrthei.”—Ïoannis 12:31.
BAN PYRKHAT SHAPHANG
Ka pyrthei kan long kumno hadien ba la weng noh ïa u nongsynshar jong ka?
Ka Baibl ka jubab ïa kata ka jingkylli ha SALM 37:10, 11 bad JINGPYNPAW 21:3, 4.
You May Also Like
SHAPHANG JONG NGI
Balei pule ïa ka Baibl?—Video ba Pura
Ka Baibl ka ai jubab ïa ki jingkylli ba kongsan jong ka jingim, ban ïarap ïa ki phew lak ngut ki briew ha satlak ka pyrthei. Hato phi kwah ban long kum iwei na ki?
SHAPHANG JONG NGI
Ngi Lah Ban Wan Ïakynduh Ïa Phi
Phi lah ban ïakren shaphang kino kino ki jingkylli ba phi don shaphang ka Baibl, ne wad jingtip shuh shuh shaphang ki Nongsakhi U Jehobah.
