“U Blei un niad noh ïa ka jingjawummat baroh na ki khmat jong ki; bad ka jingïap kan ym long shuh, lymne ka jingsngewsih, lymne ka jingïam lymne ka jingpang, kan ym long shuh: kita kiei kiei kiba mynshuwa ki la leit noh.”—Jingpynpaw 21:4, BSI O.V. Reference.

Ki kam kiba don jingmut bad kiba pynhun.—Isaïah 65:21-23.

Yn ym don shuh kino kino ki jingpang ne jingjynjar.—Isaïah 25:8; 33:24.

Ka jingim kaba suk khlem jingkut, lem bad la ki bahaïing bad ki paralok.—Salm 37:11, 29.

Hooid, namar ar tylli ki daw:

• U Blei u lah ban pyndep ïa ki jingkular. Ha ka Baibl, tang ïa U Blei Jehobah la khot “uba donbor baroh,” namar u don ka bor kaba khraw tam eh. (Jingpynpaw 15:3) Kumta u lah da kaba suk ban pyndep ïa la ki jingkular ban pynkylla bha bak-ly-bak ïa ka pyrthei jong ngi. Kumba ong ka Baibl, “da U Blei kiei kiei baroh ki long kiba lah.”—Mathaïos 19:26.

• U Blei u don ka jingkwah ban pyndep ïa ki jingkular. Kum ka nuksa, U Jehobah u “ikwah” ne u thrang ban pynmihpat ïa ki briew kiba la ïap.—Job 14:14, 15.

  Ka Baibl ka pyni ruh ba u khun jong U Blei, u Jisu, u la pynkhiah ïa kiba pang. Balei u leh kumta? Namarba u kwah. (Markos 1:40, 41) U Jisu u la pyrthuh bud thik ïa ki jinglong u kpa jong u ha ka jingkwah ban ïarap ïa kito kiba donkam.—Ïoannis 14:9.

  Namar kata ngi lah ban sngew thikna ba baroh ar ngut u Jehobah bad u Jisu ki kwah ban ïarap ïa ngi ban ïoh ïa ka lawei kaba suk ba kmen.—Salm 72:12-14; 145:16; 2 Petros 3:9.