“U Blei un ñiad noh ïa ka jingjawummat . . . bad ka jingïap kan ym long shuh, lymne ka jingsngewsih, lymne ka jingïam lymne ka jingpang.”—Jingpynpaw 21:4, BSI O.V. Reference.

Ka jingpynthikna ba ki jingeh jong ngi kim ju wan na U Blei.—Jakob 1:13.

Ngi ïoh jingtngen naba ngi tip ba U Blei u don jingsngew haba ngi jynjar.—Sekharaïah 2:8.

Ka jingkyrmen ba baroh ki jingjynjar kin kut.—Salm 37:9-11.

Hooid, namar ar tylli ki daw:

• U Blei u isih ïa ki jingjynjar bad ïa ki jinglehbymhok. Kynmaw kumno U Blei u la sngew haba ki briew jong u mynshuwa ki la shah banbeiñ. Ka Baibl ka ong ba u la sngewsih namar jong “Kita kiba la banbeiñ ïa ki bad ba la pynshitom ïa ki.”—Nongbishar 2:18.

  U Blei um sngewbha ïa kito kiba pynmynsaw ïa kiwei. Ka Baibl ka ong ba “ki kti kiba pynmih noh ïa ka snam balui lui” ki long kiba ijli ha khmat jong u.—Proberb 6:16, 17.

• U Blei u phikir ïa ngi shimet shimet. Ym tang ki briew kiba “tip marwei marwei ïa la ka jong ka jingshitom bad la ka jong ka jingsngewsih” hynrei U Jehobah ruh u tip.—2 Khronikl 6:29, 30.

  Lyngba ka Hima jong u, U Jehobah shen un sa pynkut noh ïa ki jingjynjar jong iwei pa iwei i briew. (Mathaïos 6:9, 10) Ïa mynta hi, u pyntngen ïa baroh kito kiba wad ïa u.—Kam 17:27; 2 Korinth 1:3, 4.