Conteúdo ra tĩg

Ũn tỹ ter mãn ke ra, ti mỹ rĩr mãn hẽn?

Ũn tỹ ter mãn ke ra, ti mỹ rĩr mãn hẽn?

à ne tag to jykrén tĩ?

  • háv?

  • vaꞌ?

  • hã re mũn?

TOPẼ VĨ RÁ VỸ ẼG MỸ KE TĨ

“Ag rĩn mãn jé tóg ke mũ.” — Han Kãme 24:15, Topẽ Vĩ Rá.

NE TUGNĨN Ã MỸ VỸ HÁ NĨ TAG TO KANHRÃN TĨ?

à tỹ tag to kanhrãn kỹ . . .

tag vỹ ã jagãgtãn ke mũ, ũn to há ag tỹ kãgter kỹ. — 2 Corinto 1:3, 4.

ã tỹ ter kamẽg tũ nĩnh ke mũ. — Hebreu 2:15.

ã tỹ kri fi pẽ ke mũ, ã kanhkã ag tỹ kãgter ja ag rĩnrĩr mãn kenh ke mũ. — João 5:28, 29.

à MỸ TOPẼ VĨ RÁ TAG TO KÃMÉN KRI FI HẼN?

Háv, nén ũ tẽgtũ tugnĩn:

  • Topẽ vỹ nén ũ kar hyn han fã nĩ. Topẽ Vĩ Rá vỹ ẽg mỹ ke tĩ: “[Topẽ] hã ki ẽg tóg rĩnrĩr nỹtĩ”. (Salmo 36:9; Han Kãme 17:24, 25) Topẽ vỹ nén ũ kar hyn han fã nĩn kỹ, ti tar tãvĩ nĩ, ti tỹ ũn kãgter ja ag rĩnrĩn mãn ke jé.

  • Topẽ tỹ un ag rĩnrĩr kỹ nĩ ha. Topẽ Vĩ Rá vỹ ẽg mỹ tó tĩ, vãsỹ ũn ag tỹ 8 (ke) — ũn gré ag kar ũn tỹtá ag prỹg ri ke tũ nỹtĩ — fag vỹ rĩnrĩr mãn ja nĩ, fag tỹ Ga kri nỹtĩ hã ki mũ jé. Vãsỹ, Topẽ tỹ ũn kãgter ja ẽn ag rĩnrĩr mãn kỹ, fag tỹ kãgter vãhã ja nĩ, hã ra ũn pir tỹ kurã tỹ 4 ke nĩ sir, ti tỹ vẽnh kej tá nỹ ja tĩ! — João 11:39-44.

  • Topẽ tỹ ũn kãgter  ja ag rĩnrĩr mãn ke sór tãvĩ tĩ. Ũn tỹ ter kỹ, Jeová tỹ tag to kry tĩ. Topẽ mỹ, ũn tỹ ter kỹ, tag vỹ nén ũ kórég tãvĩ nĩ. (1 Corinto 15:26) Topẽ tỹ ẽg ter mũ tỹ tũꞌ kenh sór tĩ, hã tugnĩn ti tỹ ũn kãgter ja ag rĩnrĩr mãn kenh ke mũ, ti tỹ ag ki ãkrén tãvĩ nĩn kỹ, kar ti tỹ ag tỹ Ga kri nỹtĩ mãn ve sór tĩ. — 14:14, 15.

TAG TO JYKRÉN NĨ

Ẽg ne to kófãnfãn kar kãgter tĩ?

Topẽ Vĩ Rá vỹ tag to kãmén tĩ GÊNESIS 3:17-19 kar ROMA 5:12.