Keti Kilumbu Kele Bampasi Ta Mana?
Nge ta tuba nde . . .
-
ee?
-
ve?
-
mbala ya nkaka?
MAMBU YINA BIBLIA KE TUBAKA
“Nzambi . . . ta kusula mansanga yonso na meso na bo. Lufwa ta vandaka diaka ve, bantu ta lwataka mpidi diaka ve, bo ta dilaka diaka ve, bo mpi ta waka diaka mpasi ve.”—Kusonga 21:3, 4, Bible na Kituba.
YO LENDA TENDULA INKI SAMBU NA NGE
Nge ta zaba nde Nzambi kele ve na kisina ya bampasi na beto.—Yakobo 1:13.
Yo ta lembika nge na kuzaba nde Nzambi ke bakisaka mutindu nge ke kudiwaka ntangu nge ke monaka mpasi.—Zakaria 2:12.
Yo ta pesa nge kivuvu nde bampasi yonso ta mana.—Nkunga 37:9-11.
KETI BETO LENDA KWIKILA KIBENI MAMBU YINA BIBLIA KE TUBAKA?
Ee, sambu na bikuma kiteso ya zole:
-
Nzambi ke mengaka bampasi mpi kukonda lunungu. Yindula mutindu Yehowa Nzambi kudiwaka ntangu bo niokulaka ngolo kibeni bansadi na yandi ya ntama. Biblia ke tuba nde yandi waka mawa sambu “na bampasi [yina] bambeni vandaka kumonisa bo.”—Bazuzi 2:18, Bible na Kituba.
Nzambi ke mengaka ngolo kibeni bantu yina ke monisaka bankaka mpasi. Mu mbandu, Biblia ke tubaka nde yandi ke mengaka “maboko yina ke fwaka bantu me sala mbi ve.”—Bingana 6:16, 17.
-
Nzambi ke kudibanzaka sambu na konso muntu. Konso muntu kaka ve me zaba “mawa” ti mpasi na yandi, kansi Yehowa mpi me zaba yo!—2 Bansangu 6:29, 30.
Ntama mingi ve, Yehowa ta manisa bampasi ya konso muntu na nsadisa ya Kimfumu na yandi. (Matayo 6:9, 10) Kansi bubu yai, yandi ke lembikaka na zola yonso bantu yina ke sosaka yandi na masonga yonso.—Bisalu 17:27; 2 Bakorinto 1:3, 4.
KUDIYULA
Sambu na nki Nzambi ke pesaka nzila na bampasi?
Biblia ke pesa mvutu na ngiufula yai na BAROMA 5:12 mpi na 2 PIERE 3:9.
Nge Lenda Sepela Mpi Ti
MALONGI YA MFUNU YA BIBLIA
Sambu na Nki Nzambi Me Pesaka Nzila na Bampasi?
Bantu mingi ke kudiyulaka sambu na nki ntoto me fulukaka ti bampasi mpi mambu ya nku. Biblia ke pesa mvutu ya mbote yina ke pesa kivuvu.
TELAMA!
Keti Bampasi na Beto Ke Katukaka na Nzambi?
Bo me longa bantu malongi ya luvunu yina me pusaka bo na kukuma ti bangindu ya mbi sambu na Nzambi. Inki kele kieleka?
NZOZULU YA NKENGI
Kubika Fioti Bampasi Kumana!
Nzambi me sila na kukatula bisina yonso ya bampasi. Inki mutindu mpi nki ntangu yandi ta sala yo?
TELAMA!
Malongi Yina Ke Pesaka Kivuvu
Sosa kuzaba mwa mambu ya mbote yina Nzambi me tubaka nde yandi ta sadila beto na bilumbu ya ke kwisa.
MAMBU YA ME TALA BETO
Sambu na Nki Beto Fwete Longuka Biblia?—Video ya Nda
Biblia ke pesaka bamilio ya bantu na nsi-ntoto ya mvimba bamvutu na bangiufula ya mfunu ya luzingu. Keti nge ta zola kuvanda na kati ya bantu yina?
MALONGI YA BIBLIA
Meka Kulonguka Biblia ti Beto
Longuka Biblia ti Mbangi Mosi ya Yehowa kukonda kufuta mbongo.
