Yezaya 11:1-16
11 Ka-lutangu+ mosi ta mena na kisina ya Yese,+Mpi lutangu+ yina ta basika na misisa na yandi ta buta mbuma.
2 Mpeve ya Yehowa ta vanda na zulu na yandi,+Mpeve ya mayele+ mpi ya mayele ya kubakisa mambu,Mpeve ya ndongisila mpi ya ngolo,+Mpeve ya nzayilu mpi ya boma ya Yehowa;
3 Mpi yandi ta wa kiese na boma ya Yehowa.+
Yandi ta sambisa ve na kutadila mambu yina ke monana na meso na yandi,Yandi ta nganina mpi ve na kutadila mambu yina makutu na yandi ke wa.+
4 Yandi ta sambisa nsukami na mutindu ya mbote*Mpi yandi ta nganina bantu ti lunungu sambu na mambote ya bantu ya kudikulumusa ya ntoto.
Yandi ta bula ntoto ti fimbu ya munoko na yandi+Mpi ta fwa bantu ya mbi ti mpema* ya bikobo na yandi.+
5 Lunungu ta vanda mukaba ya divumu na yandiMpi kwikama ta vanda mukaba ya luketo+ na yandi.
6 Kibulu ta zinga ti mwana-dimeme+ sambu na mwa ntangu,Mwana-nkombo ta lala kisika mosi ti nkoyi,Mwana-ngombe, ntambu,* ti mbisi ya mafuta-mafuta, bo yonso ta vanda kisika mosi;*+Ebuna mwana-bakala ya fioti ta twadisa bo.
7 Ngombe ya nkento ti urse ta dia kisika mosi,Mpi bana na bo ta lala kisika mosi.
Ntambu ta dia matiti bonso ngombe ya bakala.+
8 Mwana yina bo ke nwisa mabele ta sakana na dibulu ya kobra,Mpi mwana yina bo me katula na mabele ta tula diboko na yandi na dibulu ya nioka ya ndikila.
9 Bo ta sala ata mbi+ mosi veMpi ta bebisa ata kima mosi ve na ngumba+ na mono yonso ya santu,Sambu ntoto ta fuluka kibeni ti nzayilu ya YehowaMutindu bamasa ke fulusaka nzadi-mungwa.+
10 Na kilumbu yina, musisa ya Yese+ ta telama bonso kidimbu* sambu na bantu.+
Makanda ta tala na ndambu na yandi sambu na kusosa lutwadisu,*+Mpi kisika na yandi ya kupema ta kuma ya nkembo.
11 Na kilumbu yina, Yehowa ta sadila diaka diboko na yandi, na mbala ya zole, sambu na kubaka bantu na yandi yina me bikala na Asiria,+ na Ezipte,+ na Patrosi,+ na Kushi,+ na Elami,+ na Shinare,* na Amati, mpi na bisanga ya nzadi-mungwa.+
12 Yandi ta tedimisa kidimbu mosi* sambu na makanda mpi ta vukisa bantu ya Izraele+ yina me panzanaka; ebuna yandi ta vukisa bantu ya Yuda yina me panzanaka katuka na bandambu yonso iya ya ntoto.+
13 Kimpala ya Efrayimi ta vanda diaka ve,+Mpi bantu yina ke kangilaka Yuda kimbeni ta vanda diaka ve.
Efrayimi ta wila ve Yuda kimpala,Yuda mpi ta kangila ve Efrayimi+ kimbeni.
14 Mpi bo ta kulumuka na tu-bangumba* ya bantu ya Filistia na ndambu ya westi;Bo ta vukana sambu na kubotula bantu ya Esti bima.
Bo ta tandula diboko na bo sambu na kunwanisa* Edomi+ ti Moabi,+Mpi bantu ya Amoni ta kuma bantu na bo.+
15 Yehowa ta kabula* kisika yina nzadi-mungwa+ ya Ezipte me kotaka na nseke*Mpi yandi ta nikisa diboko na yandi na zulu ya Nzadi.*+
Ti mpema* na yandi ya tiya yandi ta bula yo na* bamasa na yo nsambwadi,Mpi yandi ta pusa bantu na kusabuka ti basandale na bo.
16 Ebuna yo ta vanda ti nzila mosi ya nene+ yina ta katuka na Asiria sambu na bantu na yandi ya me bikala,+Kaka mutindu yo vandaka sambu na Izraele na kilumbu yina yandi basikaka na insi ya Ezipte.
Banoti na nsi ya lutiti
^ To “mpeve.”
^ To “na lunungu.”
^ To “mwana-ntambu yina kele ti mika mingi na nkingu.”
^ To mbala ya nkaka, “Mwana-ngombe mpi ntambu ta dia kisika mosi.”
^ To “Makanda ta sosa yandi.”
^ To “nti yina kele kidimbu.”
^ Disongidila, Babilonia.
^ To “nti yina kele kidimbu.”
^ Na kisina, “dipeka.”
^ To “tandula ngolo na bo na.”
^ To mbala ya nkaka, “yumisa.”
^ Na kisina, “ludimi ya nzadi-mungwa ya Ezipte.”
^ Disongidila, Efrate
^ To “mpeve.”
^ To mbala ya nkaka, “bula yo na bamasa nsambwadi.”
