MAMBU YINA NGE LENDA LONGUKA
Kulonguka na Mudindu Ta Sadisa Nge na Kulanda Kukengila
Tanga Daniele 9:1-19 sambu na kuzaba mfunu ya kulonguka na mudindu.
Longuka mingi mambu ya kele na ntwala mpi na nima ya baverse yina. Inki katukaka kusalama mpi nki yo salaka Daniele? (Dan. 5:29–6:5) Inki mutindu nge zolaka kuwa kana nge vandaka Daniele?
Sala bansosa na mudindu. Inki “mikanda ya santu” Daniele tangaka? (Dan. 9:2, noti na nsi ya lutiti; w11-F 1/1 22 § 2) Sambu na nki Daniele fungunaka masumu na yandi mpi ya bantu ya Izraele? (Levi 26:39-42; 1 Bant. 8:46-50; dp 182-184) Inki mutindu kisambu ya Daniele ke monisa kibeni nde yandi vandaka kulonguka mbote-mbote kibeni Ndinga ya Nzambi?—Dan. 9:11-13.
Baka malongi. Kudiyula nde:
-
‘Inki mono fwete sala sambu na kubika ve nde mambu ya ke salama na nsi-ntoto kukatula dikebi na mono na mambu ya mfunu?’ (Mika 7:7)
-
‘Inki mambote mono ta baka kana mono ke longuka mbote-mbote Ndinga ya Nzambi bonso Daniele?’ (w04 1/8 22 § 17)
-
‘Inki mambu mono lenda longuka sambu yo sadisa mono na “kulanda kukengila”?’ (Mat. 24:42, 44; w12 15/8 13 § 7-8)