BENO LANDA KUKENGILA!
Basoda ya Russie Me Kota na Ukraine Sambu na Kunwanisa Yo—Keti Mambu Yina Biblia Tubaka na Ntwala Ke Lungana?
Sosa kuzaba ntendula ya mambu yai
BANSANGU YA MPA
Bampangi Ke Sadisa Mpangi Konstantin Bazhenov Ntangu Yandi Kele na Boloko, Ntangu Bo Me Basisa Yandi na Boloko mpi Ntangu Bamfumu Ke Vutula Yandi na Insi na Bo
Mpangi Konstantin Bazhenov kele mosi ya Bambangi ya Yehowa ya ntete yina salaka na boloko bamvula yonso yina bo zengilaka bo banda ntangu Tribinale ya Nene buyisaka kisalu na beto na Russie na 2017. Yandi lutisaka mvula mosi ti ndambu na boloko yina bo tulaka yandi diaka. Na nima bo basisaka yandi na boloko na 5 mai 2021 na ntwala ya ntangu yina yo lombaka nde bo basisa yandi mpi ntangu fioti na nima bamfumu vutulaka yandi na insi na bo.
BANSANGU YA MPA
Bambangi ya Yehowa ya Mbanza Irkoutsk Ke Landa Kukangama na Nzambi Ata Ntangu Basoda Ke Kota na Kingolo-Ngolo na Banzo na Bo
Na 4 octobre 2021, basoda kotaka na kingolo-ngolo na banzo mingi ya Bambangi ya Yehowa na mbanza Irkoutsk. Bo yulaka bo bangiufula mpi bo bulaka bo ngolo. Yo yina, bo tulaka Bambangi ya Yehowa sambanu na boloko kukonda kusambisa bo kaka sambu bo ke sambilaka Yehowa.