20 DI MARSU DI 2023
ALIMANHA
Un ómi armadu ataka un Salon di Reinu na sidadi di Hamburgo, na Alimanha
Na dia 9 di marsu di 2023, un ómi armadu ataka kongregason di Winterhude na sidadi di Hamburgo, dipôs ki tirmina un runion di meiu di simana. Kel ataki tirmina kantu pulísias entra na Salon di Reinu. Má simé, kel ómi mata alguns irmon ku irmans, i otus fika ku pankada. Dipôs kel ómi mata kabésa. Tistimunhas di Jeová di Alimanha i di mundu interu sta txeu gratu pa tudu bondadi, amor i ajuda ki es sta ta resebe di autoridadis, organizasons i pesoas di mundu interu.
Kel-li é situason di nos irmons ku irmans
Infilismenti 4 irmon i 2 irman matadu. Tanbê, un mininu na bariga di se mai móre. Se mai, fika ku pankada má el ka móre.
2 irmon i 7 irman fika ku pankada
Ajuda ki sta dadu
Kes família ki fika afetadu sta ta resebe konsolu i apoiu di reprizentantis di Filial di Europa Sentral, di dôs enkaregadu di grupu di kongregason i di ansions di kel lugar.
Nos é un família unidu na mundu interu, pur isu nu ta ora pa tudu kes ki fika afetadu pa kel disgrasa li. Jeová é ‘un proteson na dia di frónta’, i el ta ben djuda-nu lida ku es ténpu difísil timenti nu ta kontinua ta adora-l na pas. — Naum 1:7.