Chi mu Buka Dzi mu Baibili
Dzividiyo idzedzi futshwanana dzo pa zibiso i no tolegwa pezhugwi ne kwe chi mu buka dzi mu Baibili. Shingisa dzithuto idzedzi ku ku batsha ku bala ne ku zwidiya Baibili.
Chi mu Buka ye Genesisi
Genesisi i no ti pa zibiso i no sheteka ne kwe ku tangisa kwe bathu ne ku tangisa kwe ku dziyidzika ne lufu.
Chi mu Buka ye Ekezodo
Ndzimu wa ka sunungula Baizeraela mu busungwa ku Egipiti ne ku ba thama ichaba chi no nshingila.
Chi mu Buka ye Lifitiko
Bona se kwa Lifitiko i chenesa ku yengemala kwe Ndzimu ne kuti ini ku yengemala kwedu bo ili chithu chikulu.
Chi mu Buka ye Palo
Bona se kwa kwa ka fanila ku hwa Jehova ne ku hlonipha ba ka shalugwa ku tungamila bathu babe.
Chi mu Buka ye Ditironomi
Bona se kwa Nlayo wa Jehova mu Baizeraela u lakidza ludo gugwe gukulu mu bathu babe.
Chi mu Buka ya Joshua
Bona se kwa Baiziraela be tola ne ku kobana shango ya ba ka piwa ne Ndzimu.
Chi mu Buka ye Baathuli
Buka iyeyi i no leba ne kwe zwithu zwinjinji, i no dangwa ne zina le balume ba na chibindi ne ku galamoyo, ba ka shingisiwa ne Ndzimu ku hulula Baiziraela mu batshambilidzi.
Chi mu Buka ya Ruthi
Ruthi i no leba ne kwe ludo gu kulu gwe nfakadzi nchechana gwa a ka be a na go mu na mmezwali babe ba ka figwa ne nlume ne se kwa Jehova a ka ba batsha.
Chi mu Buka ya 1 Samuele
Bona kuti ndongoloso ye Iziraela i no shandugwa chini mu ku tungamigwa ne Baathuli ngono ku tangisa ku busa dzishe.
Chi mu Buka ya 2 Samuele
Bona kuti ku zwiyesa pasi ne ku galamoyo kwa ka batsha chini Dafide ku be nngwe u no dika kakale e zibgwa kwazo mu bathu ba ku no lebgwa ne kwabo mu Baibili.
Chi mu Buka ye 1 Boshe
Bona Izeraele mu mazhuba ayo e ku kudziwa ne ku budilila ha i busiwa na She Solomoni ku no ti ku misi ye mathatha ye ku thubukana kwe bushe gubili gwe Izeraele ne Juta.
Chi mu Buka ye 2 Boshe
Bona se kwa bashanduki ba ka sendedzela bushe gwe bunandzwa gwe Iziraela, ha Jehova e kombolela bashomanana ba no nshingila ne moyo wa ka pelela.
Chi mu Buka ye 1 Shingikalo
Bona lutshinga gwe she i no cha Ndzimu i noyi Dafite kose ne buchilo gugwe gu no khata, ku simolola ne ku bigiwa kukwe se she we Iziraela ku noti mu ku fa kukwe.
Chi mu Buka ye 2 Shingikalo
Bona se kwa shingikalo idzedzi dza boshe be Juda dzi lakidza bukulu gwe ku thembeka mu Ndzimu.
Chi mu Buka ya Ezira
Jehova u no sunungula bathu babe mu busungwa ku Bhabhiloni se kwa a ka thembesa ne ku gwiliza namato ye malebeswa mu Jerusalema.
Chi mu Buka ya Nehemiya
Buka ye Baibili ya Nehemiya i no diya zwidiyo zwi pezhugwi zwe namato ye malebeswa ngwenu.
Chi mu Buka ya Esta
Zwa ka shingikala mu chibaka cha Esta zowo simisa kugalamoyo kuko mu bukhoni gwa Jehova Ndzimu gwe ku sunungula bathu babe mu dzindiko ngwenu.
Chi mu Buka ya Jobe
Bose ba no da Jehova ba nowo likiwa. Mbiko ya Jobe i no ti simisa ku dwilila ti thembeka ne ku tolela pezhugwi bubusi gwa Jehova.
Chi mu Buka ye Pisalema
Dzipisalema dzo tolela pezhugwi bubusi gwa Jehova, ku batsha ne ku nyaladza ba no nda, ne ku lakidza kuti shango i nowo shandugwa chini ne Bushe gugwe.
Chi mu Buka ye Zwiani
Amuchila zila ye Ndzimu mu buchilo gugo gose—gwe ku zwichidza ne gwe nsha.
Chi mu Buka ye Nreri
She Solomoni u no lakidza zwithu zwi no sheteka mu buchilo ne ku zwi fanidzanya ne zwi no leyana ne buchenjedu gwe Ndzimu.
Chi mu Buka ye Njimbo Dza Solomoni
Ludo gu si nga pele gwe malebeswa gwe ngwanana we Nshulama mu mbisana we nlisa go fanidzanyiwa ne “nthuto we moto wa Jah.” Ne kutini?
Chi mu Buka ya Izaya
Buka ya Izaya i buka ye buporofiti gwe malebeswa gu nga simisa thembo yedu mu na Jehova se Ndzimu Nshingikadzi we thembiso dzidze ili Ndzimu u no ti sunungula mu chibi.
Chi mu Buka ya Jeremiya
Jeremiya wa ka shinga nshingo uwe we buporofiti ne ku galamoyo nenguba kwa ka be kwa ka sima. Kumbula kuti chilakidzilo chiche cho dwani mu Bakirisiti ngwenu.
Chi mu Buka ye Zwililo
Ya ka kwagwa na mporofiti Jeremiya, buka iyeyi i no leba ne kwe magwadzi e ku chinyiwa kwe Jerusalema ne ku lakidza se kwa ku shanduka ku nga zhisa mahwilangoni e Ndzimu.
Chi mu Buka ya Ezekieli
Ezekieli wa ka shinga nshingo wa a ka piwa ne Ndzimu ne ku zwiyesa pasi a na chibindi, nenguba kwa ka be kwa ka sima. Chilakidzilo chiche cho ti diya chingwe ngwenu.
Chi mu Buka ya Daniele
Daniele ne bakhwinya babe ba ka dwilila be galamoyo mu na Jehova mu mamo ose. Chilakidzilo chabo ne ku shingikadziwa kwe buporofiti ku nga ti batsha ngwenu, mu chibaka che bupelo.
Chi mu Buka ya Hosiya
Buporofiti gwa Hosiya go ti diya ku njinji ngwenu ne kwe mahwilangoni a Jehova mu na ba no shandukila zwithu zwa ka bipa ne namato ya a no shaka.
Chi mu Buka ya Juwele
Juwele wa ka be e porofita ne kwe “zhuba la Jehova” la swika ngono e be e lakidza cha ti nga thama kuti ti chidziwe. Buporofiti gugwe go ti sendedzela ku tola thambo chinyolocho ngwenu.
Chi mu Buka ya Amosi
Jehova wa ka shingisa nlume iwoyo u no zwiyesa pasi ku thama nshingo nkulu. I zwithu zwipi zwikulu zwa ti nga zwidiya mu chilakidzilo cha Amosi?
Chi mu Buka ya Obadia
Ndiyo futshwanana mu Hwalo dze Chihebera. Buporofiti gu no pa thembo ne gu no thembesa ku kudziwa kwe Bushe gwa Jehova.
Chi mu Buka ya Jona
Mporofiti wa ka amuchila ku tambunudziwa, ku thama gobe lile ne buzhalo, ne ku diyiwa thuto wulu ne kwe ludo gwe malebeswa gwe Ndzimu ne ngoni. Zwa ka nshingikalila zowo kutha moyo uwo.
Chi mu Buka ya Mika
Buporofiti gwe Ndzimu igogu gwa ka dothedzegwa gu nga simisa thembiso ye kuti Jehova u no shaka chi no hwika koga mu tili ne cha ka ti lulwamila.
Chi mu Buka ya Nahume
Buporofiti go pa thembo ye kuti Jehova u no shingikadza dama lile kakale go nyaladza bose ba no shaka mbakiso ne ku chidziwa ha ku busa Bushe gugwe.
Chi mu Buka ya Habakuke
Ti nga themba kuti Jehova u no ziba chibaka cha ka lulwama kwazo ne zila ya ka lulwama kwazo ye ku chidza bathu babe.
Chi mu Buka ya Zafaniya
Ini ta ka fanila ku zwilisa mu ku kumbula kuti zhuba la Jehova le ku athula ha li nga zhe?
Chi mu Buka ya Hagayi
Buporofiti go tshambilidza bukulu gwe ku biga namato ye Ndzimu mbeli kwe zwithu zose.
Chi mu Buka ya Zakariya
Mbono dza dothedzegwa dzili njinji ne buporofiti gwa ka simisa bathu be Ndzimu mu chibaka cha ka pinda. Buporofiti igogu zwago go dwilila gu ti thembesa kuti Jehova u noti batsha na ngwenu.
Chi mu Buka ya Malaki
Buporofiti gu no kudza milayontewo ya Jehova i si nga shanduke, ngoni, ne ludo. Kakale buporofiti gu na zwidiyo zwa ti nga shingisa mu mazhuba a ngwenu.
Chi mu Buka ya Matewu
Shathila ku zwidiya malebeswa e ntewo ne kwe buka iyeyi ye Baibili, ye kutanga ye dzi-gospel dzili 4.
Chi mu Buka ya Mako
Gospel i futshwanana mu dzingwe, mbiko ya Mako i no lakidza ne bufupi zwi nowo shingikala mu mazhuba a no zha ha Jesu e busa se She mu Bushe gwe Ndzimu.
Chi mu Buka ya Luka
I zibiso ipi i mu Gospel ya Luka i no chenamisa?
Chi mu Buka ya Johani
Mbiko ya Johani i no lakidza ludo gwa Jesu mu bathu, chilakidzilo chiche che ku zwiyesa pasi, ne kuti ndiye Mesiya—She i nowo busa mu Bushe gwe Ndzimu.
Chi mu Buka ye Mishingo
Bakirisiti be kutanga ba ka shinga ba ka simisa ku thama badiyiwana be bathu be zwichaba zose. Buka ye Mishingo i nga paphidza ku thaabala kuko ne majato awo mu ku rera.
Chi mu Buka ye Baroma
Ndawulo ya ka dothedzegwa na Jehova ye ku sa shalawula ne bukulu gwe ku dumila mu na Jesu Kirisiti.
Chi mu Buka ya 1 Bakorinta
Lukwalo gwa Paulo gu no shanganyila ndawulo ya ka dothedzegwa ne kwe ku hwanana, mazwibato a ka lulwama, ludo ne dumila mu ku musiwa kwe bafi.
Chi mu Buka ye 2 Bakorinta
Jehova, “Ndzimu we nyaladzo mu zwithu zose,” u no simisa ne chidza balanda babe.
Chi mu Buka ye Bagalatiya
Lukwalo gwa Paulo ku Bagalatiya go batsha ngwenu koga se kwa gwa ka batsha ha gu kwagwa. Gu nga batsha Bakirisiti bose be malebeswa ku dwilila be thembeka.
Chi mu Buka ye Baefesiya
Lukwalo igogu gwa ka dothedzegwa go lakidza mazwimisilo e Ndzimu e ku zhisa mbakiso ne hwanano e shingisa Jesu Kirisiti.
Chi mu Buka ye Bafilipi
Ha ta ka dzikama ha ti li mu ndiko, ti nga kulumbidza bangwe ku ma ba ka dzikama.
Chi mu Buka ye Bakolosa
Ti nga shathisa Jehova ne ku shingisa cha ti no zwidiya, ne ku zwibatigwa bangwe ku dwa mu moyo, ne ku ela njele mamo ne bulawuli gwa Jesu.
Chi mu Buka ye 1 Bathesalonika
Ta ka fanila ku gala ta ka zwilisa, “ti shakisisa tjimwe ne tjimwe,” “ti gala ti tembezela,” ne ku batshana.
Chi mu Buka ye 2 Bathesalonika
Paulo u no baakanya zila ye ku linga zwithu ne kwe ku swika kwe zhuba la Jehova, kakale u no batsha bazwalani ku ma ba ka sima mu kugalamoyo.
Chi mu Buka ye 1 Timoti
Paulo wa ka kwala 1 Timoti ku teya zila ye ku thama zwithu mu gubungano ne ku chenjedza ne kwe zwidiyo zwe manyepkhwa ne ku da mari.
Chi mu Buka ye 2 Timoti
Paulo u no batsha Timoti ku rera ne buzhalo.
Chi mu Buka ya Tito
Lukwalo gwa Paulo ku na Tito go leba ne kwe mathatha a mu makubungano e Kirete, ne ku chenesa dzifanilo dze hwalo dze bakugwana.
Chi mu Buka ya Filimoni
Lukwalo igogu gu futshwanana kakale gu na masimba gu na zwidiyo zwa ti nga shingisa ne kwe ku zwiyesa pasi, butho, ne ku zwibatigwa.
Chi mu Buka ye Bahebera
Namato ye Bukirisiti ya ka teyiwa mu zwithu zwikulu zwi no pinda dzitempele dzi no boneka ne zwibayilo zwe phuka.
Chi mu Buka ya Jakuba
Jakuba u no shingisa zwitshwantsho zwi no hwika ku diya thuto ne kwe milayontewo ye Bukirisiti i no tolegwa pezhugwi.
Chi mu Buka ye 1 Pita
Lukwalo gwe kutanga gwa Pita go ti batsha ku be majato ne ku lashila zose zwi no ti dziyidza ku Ndzimu.
Chi mu Buka ye 2 Pita
Lukwalo gwe bubili gwa Pita go ti sendedzela kuti ti thembeke se ta ka milila kudzimu kuptshwa ne shango ptshwa.
Chi mu Buka ye 1 Johani
Lukwalo gwa Johani go ti chenjedza ne kwe zwita zwa Kirisiti, kakale go ti batsha ku bona cha ta ka fanila da ne cha ti sa ka fanila da.
Chi mu Buka ye 2 Johani
Lukwalo gwe bubili gwa Johani go ti kumbuludza ku dwilila ti li mu malebeswa ne ku zwilisa mu na ba nga ti chebela.
Chi mu Buka ye 3 Johani
Lukwalo gwe butatu gwa Johani go diya thuto ya ka naka ne kwe ku amuchila bezi kwe Bukirisiti.
Chi mu Buka ya Juta
Juta u no dusila pachena zila dza ibabo ba no lika ku chebela ne ku chinya Bakirisiti.
Chi mu Buka ye Zumbunulo
Mbono dzi mu buka ye Zumbunulo dzi no chenesa se kwa Bushe gwe Ndzimu gowo shingikadza mazwimisilo e Ndzimu ne kwe bathu ne shango.
Kakale u Nga Shathila ku Bona
DZIBUKA NE DZIBUROUCHARA