Унагъуэр зыхуей хуэбгъэзэн щхьэкІэ ахъшэ ухуейщ (Притчи 30:8). Библием зэрыжиІэмкІэ, ахъшэм укъехъумэ (Экклезиаст 7:12). Зэщхьэгъусэхэр ахъшэм теухуауэ зэпсэлъэну тыншу щымытынкІэ хъунущ, ауэ ахъшэм унагъуэм псалъэмакъ кърилъхьэху Іуэхур нэгъэсын хуейкъым (Ефес 4:32). Ахъшэр зытрагъэкІуэдэным теухуауэ зэщхьэгъусэхэм унафэ щащІкІэ дзыхь зэхуащІу икІи зым жиІэм адрейр едаІуэу щытын хуейщ.

БИБЛИЕМ ЖИІЭР: «Фщыщ гуэрым бэтэгъей ищІын хуей хъумэ, япэщІыкІэ тІысрэ, зыхуеину псор къилъытэу, бэтэгъейр зэрыригъэухуэн ахъшэ иІэрэ имыІэрэ зригъэщІэн хуейкъэ?» (Лука 14:28). Ахъшэр зытевгъэкІуэдэным теухуауэ унафэ зэгъусэу фщІыным мыхьэнэшхуэ иІэщ (Амос 3:3). Сытым фыхуэныкъуэми икІи абы дапхуэдиз ахъшэ тевгъэкІуэдэфынуми унафэ фщІы (Притчи 31:16, Гъэсэпэтхыдэхэр). Ахъшэ узэриІэм щхьэкІэ узыхуэмей гуэр къомыщэху. ЩІыхуэ зэрызытевмыгъэхуэным фыхущІэкъу. Къыфхэхъуэм нэхърэ нэхъыбэ фымыгъэкІуэд (Притчи 21:5; 22:7, Гъэс.).

ЧЭНДЖЭЩЫФІХЭР:

• Мазэм и кІэм деж ахъшэ къыфхуэнауэ щытмэ, абы ефщІэным теухуауэ зэгъусэу унафэ фщІы

• Ахъшэ фиІэр фхуримыкъуауэ щытмэ, ахъшэ вгъэкІуэдыр нэхъ мащІэ зэрыфщІыным фегупсыс. Псалъэм папщІэ, пщэфІа хьэзыр къэвмыщэхуу, фэ езыр фыпщафІэу щытмэ, фи ахъшэр нэхъ хъума хъуну къыщІэкІынщ

БИБЛИЕМ ЖИІЭР: «Зым зым пэжыр зэжефІэ» (Захария 8:16). Къэвлэжьымрэ вгъэкІуэдымрэ фи щхьэгъусэм щывмыбзыщІ.

Ахъшэм теухуауэ мыхьэнэшхуэ зиІэ унафэ къыщыпщтэм деж Іэмал имыІэу уи щхьэгъусэм ечэнджэщ (Притчи 13:10). Зэщхьэгъусэхэр ахъшэм теухуауэ зэрызэпсалъэм и фІыгъэкІэ унагъуэм мамырыгъэ илъынущ. Уэ къэблэжьыр зейр уи мызакъуэу, атІэ унагъуэм ейуэ къэлъытэ (1 Тимофей 5:8).

ЧЭНДЖЭЩЫФІХЭР:

• Щхьэж ахъшэ дапщэ игъэкІуэд хъунуми фегупсыс

• Ахъшэм теухуауэ фызэпсэлъэн щхьэкІэ, зэгурымыІуэныгъэ гуэр къэхъеиным фежьэн хуейкъым