Wĩ na Woni Mwaũ Ĩũlũ wa Ĩvinda Yĩla Yũkĩte?
Yo nthĩ yitũ . . .
-
yĩendeea kwĩkala o ũndũ ĩilyĩ?
-
yĩendeea kũthũkĩĩa?
-
kana ĩkaseũva?
MBIVILIA YAĨTYE ATA?
“Ngai . . . akavyaĩa methoi onthe methonĩ moo; na kĩkw’ũ kĩikethĩwa vo ĩngĩ; o na kũikethĩwa ĩngĩ kũmeta, kana kũĩa, kana woo: maũndũ ma mbee nĩ mavĩtu.”—Ũvuan’yo 21:3, 4, The Bible in Kikamba, 1974.
ŨNDŨ WATHANI ŨSU ŨTONYA KWAĨLYA MAŨNDŨ MAKU
Ũkeethĩwa na wĩa mũseo na wa kũtanĩthya.—Isaia 65:21-23.
Ndũkakwatwa nĩ mowau kana mathĩna o na meva.—Isaia 25:8; 33:24.
Ũkekala na andũ ma mũsyĩ waku na anyanyau mwĩ na ũtanu tene na tene.—Savuli 37:11, 29.
NĨTŨTONYA KŨĨKĨĨA ŨNDŨ MBIVILIA YAĨTYE?
Ĩĩ, nũndũ wa itumi ta ilĩ:
-
Ngai e na ũtonyi wa kwĩanĩsya watho wake. No Yeova Ngai weka ũwetetwe Mbivilianĩ kwĩthĩwa “Mwene Vinya W’onthe,” nũndũ vinya wake ndwĩ maela. (Ũvuan’yo 15:3) Kwoou e ũtonyi wa kwĩanĩsya watho wake wa kũalyũla nthĩ yĩthĩwe yĩ nzeo. Mbivilia yaĩtye, “kwa Ngai maũndũ onthe nĩmatonyeka.”—Mathayo 19:26.
-
Ngai e na mea ma kwĩanĩsya watho wake. Kwa ngelekany’o, Yeova e na mea ma kũthayũũkya ala makwie.—Yovu 14:14, 15.
O na ĩngĩ Mbivilia nĩwetete kana Yesũ, Mwana wa Ngai, nĩwavoisye awau. Nĩkĩ? Nũndũ aĩ na wendi wa kwĩka ũu. (Maliko 1:40, 41) O ta Ĩthe wake, Yesũ aĩ na mea ma kũmatetheesya ala maĩ na thĩna.—Yoana 14:9.
Kwoou nĩtũtonya kwĩthĩwa na mũĩkĩĩo kana Yeova na Yesũ nĩmekwenda kũtũtetheesya twĩthĩwe na ũtanu ĩvinda yĩla yũkĩte!—Savuli 72:12-14; 145:16; 2 Vetelo 3:9.
KWASŨANĨA ĨKŨLYO YĨĨ
Ngai akaalyũla ata nthĩ ĩno yĩthĩwe yĩ nzeo?
Mbivilia nĩsũngĩĩte ĩkũlyo yĩu ĩandĩkonĩ ya MATHAYO 6:9, 10 na ya NDANIELI 2:44.
No Wendeewʼe Nĩ Ii
MŨSYAĨĨSYA
Ũwʼo Ĩũlũ wa Ĩvinda Yũkĩte
Lũlũmĩĩlya wĩkwatyo waku nthĩnĩ wa kĩla Ngai waĩtye ĩũlũ wa nthĩ na andũ ala makekala nthĩnĩ wayo ĩvinda yũkĩte.
MOMANYĨSYO MA VATA MA MBIVILIA
Ũsumbĩ wa Ngai Nĩ Kyaũ?
Ĩla Yesũ waĩ ĩũlũ wa nthĩ, amanyĩisye ĩũlũ wa Ũsumbĩ wa Ngai kwĩ ũvoo ũngĩ o na wĩva. Kwa myaka maana maingĩ, andũ methĩĩtwe maivoya Ũsumbĩ ũsu wũke.
MŨSYAĨĨSYA
Ũsumbĩ wa Ngai Ũkeanĩsya Maũndũ Meva?
Yesũ nĩweesĩ kana no Ũsumbĩ wa Ngai ũtonya kũmina mathĩna ala me ĩũlũ wa nthĩ. Nĩ maũndũ meva ala Ũsumbĩ ũsu wĩkĩte meũtũĩkĩĩthya ũu?
ĨŨLŨ WITŨ
Kũlya Ũthokewe
Kwata ũsũngĩo wa ĩkũlyo yĩkonetye Mbivilia, kana wĩmanyĩsye mũnango ĩũlũ Ngũsĩ sya Yeova.
