ĨSOMO YA 02
Mbivilia Nĩtũnengete Wĩkwatyo Mũseo
Ũmũnthĩ andũ aingĩ ĩũlũ wa nthĩ nĩmakwatĩtwe nĩ mathĩna matumaa memakĩa, makathĩnĩka, o na makakwatwa nĩ woo. We waakwatwa nĩ thĩna ũkatuma wĩwʼa ũu? Nũtonya kwĩthĩwa ũithĩnĩka nũndũ wa ũwau mũna wĩ nawʼo, kana nũndũ wa kũkwʼĩĩwa nĩ mũndũ ũmwendete. No wĩthĩwe wĩkũlasya, ‘Mo maũndũ meendeea ũu nginya ĩndĩĩ?’ Mbivilia nĩnenganĩte ũsũngĩo mũseo wa ĩkũlyo yĩu.
1. Mbivilia ĩtũnengete wĩkwatyo wĩva wa ĩvinda yũkĩte?
Mbivilia nĩyĩeleetye nĩkĩ ũmũnthĩ kwĩ mathĩna maingĩ. O na ĩngĩ, nĩtũtavĩtye kana mathĩna aa no ma kavinda na kana o mĩtũkĩ Ngai nũkũmamina. Mawatho asu me Mbivilianĩ nĩmatonya ‘kũtũnenga wĩkwatyo.’ (Soma Yelemia 29:11, 12.) Na wĩkwatyo ũsu nũtumaa tũmĩĩsya mathĩna maitũ na tũiendeea kwĩkala twĩ atanu ũmũnthĩ. O na nũtũĩkĩĩthasya kana ĩvindanĩ yũkĩte tũkekala twĩ atanu tene na tene.
2. Mbivilia ĩtwathĩte kyaũ ĩvindanĩ yũkĩte?
Mbivilia nĩyĩeleetye kana ĩvindanĩ yũkĩte, “kĩkwʼũ kĩikethĩwa vo ĩngĩ, o na kũikethĩwa ĩngĩ kĩmeto kana kĩĩo kana woo.” (Soma Ũvuanyʼo 21:4.) Maũndũ ala matũthĩnasya ta ũkya, ũsili ũte wa katĩ, mowau, na kĩkwʼũ, maikethĩwa vo ĩngĩ. Ĩtwathĩte kana ĩvinda yũkĩte andũ makatanĩa thayũ tene na tene nthĩnĩ wa Nthĩ Nzaũ.
3. Nĩ kyaũ kĩtonya ũkũtethya ũĩkĩĩe vyũ mawatho ala me Mbivilianĩ?
Andũ aingĩ nĩmethĩawa mekwatĩtye maũndũ maseo mekĩke thayũnĩ woo, ĩndĩ mayĩthĩawa mesĩ kana kwa wʼo makesa kwĩkĩka. Ũu wĩ kĩvathũkanyʼo na maũndũ ala Mbivilia ĩtwathĩte. No tũlũlũmĩĩlye wĩkwatyo witũ ‘twakunĩkĩla Maandĩko’ nesa. (Meko ma Atũmwa 17:11) Waendeea kwĩmanyĩsya Mbivilia, ũkeethĩwa ũtonya kwĩtwʼĩĩa we mwene kana no ũĩkĩĩe kĩla ĩwetete ĩũlũ wa ĩvinda yũkĩte.
ĨMANYĨSYE MŨNANGO
Ĩmanyĩsye maũndũ amwe Mbivilia ĩtwathĩte ĩũlũ wa ĩvinda yũkĩte. Sisya ũndũ wĩkwatyo ũla Mbivilia ĩtũnengete ũtethetye andũ ũmũnthĩ.
4. Mbivilia nĩtwathĩte kana tũkekala tene na tene tũte na mathĩna
Kwasisya maũndũ aa Mbivilia yathanĩte. Nĩ maũndũ meva meũkwendeesya mũno? Nĩkĩ ũkwendeewʼa nĩ maũndũ asu?
Soma maandĩko ala monanĩtwʼe vaa ĩtheo vamwe na ũndũ ũla mathanĩte, na ĩndĩ ũisũanĩa makũlyo aa:
-
We nũkwona maandĩko aa ta matonya kũũnenga wĩkwatyo? Nũkwona ta matonya kũtethya andũ maku na anyanyau?
Kwakũna visa ũtwĩe nthĩ
|
VATE MŨNDŨ . . . |
KĨLA MŨNDŨ . . . |
|---|---|
|
|
|
|
|
|
|
|
|
|
5. Mawatho ala me Mbivilianĩ no matwĩkĩe vinya
Andũ aingĩ nĩmakusaa ngoo na makathata moona maũndũ mathũku mayĩkĩka. Amwe nĩmatataa ũndũ matonya mavĩndũe maũndũ. Sisya wone ũndũ andũ matethekete mamanya kana Mbivilia nĩyathanĩte kana maũndũ makaseũva. Ĩloelei VITIO, na ĩndĩ mũineenea makũlyo aa maatĩĩe:
-
Kwosana na ũndũ twoona vitionĩ, Rafika athĩnĩkaa nũndũ wa ũndũ wĩva ũtaĩle?
-
Mbivilia yamũtethisye ata o na kau ndaaona thĩna ũsu ũithela?
Wĩkwatyo wa ĩvinda yũkĩte ũla Mbivilia ĩtũnengete nũtonya kũtũtetheesya kũmĩĩsya yĩla ve maũndũ ma kũtũtũla ngoo, na ũkatuma twĩthĩwa na ũtanu o na yĩla twĩ na mathĩna. Somai Nthimo 17:22 na Alomi 12:12, na ĩndĩ mũineenea makũlyo aa:
-
We nũkwona kĩla Mbivilia ĩwetete ĩũlũ wa ĩvinda yũkĩte ta kĩtonya ũtuma wĩkala wĩ mũtanu ĩvindanĩ yĩĩ? Nĩkĩ ũkwasya ũu?
ANDŨ AMWE MAASYA: “Maũndũ asu maseũvĩte ũu Mbivilia yathanĩte mwa ti ta mesa kwĩkĩka.”
-
Nĩkĩ ũkwona ve vata wa kwĩyĩĩkĩĩthya ũndũ ũsu we mwene?
KĨLA TWEEMANYĨSYA
Mbivilia nĩtũnengete wĩkwatyo mũseo wa ĩvinda yũkĩte. Wĩkwatyo ũsu nũtumaa tũmĩĩsya na tũkekala twĩ atanu.
Makũlyo ma Kũsyokeleela
-
Nĩkĩ andũ maĩlĩte kũmanya ĩũlũ wa maũndũ ala Ngai ũtwathĩte?
-
Mbivilia yaĩtye ata ĩũlũ wa ĩvinda yũkĩte?
-
Kũmanya ĩũlũ wa ĩvinda yũkĩte kũtonya ũkũtethya ata?
MAŨNDŨ ANGĨ MA KWĨMANYĨSYA
Soma ũmanye ũndũ kwĩthĩwa na wĩkwatyo kũtonya kũũtethya yĩla wĩ na thĩna.
“Nĩ Va Ũtonya Kũkwata Wĩkwatyo?” (Amkeni!, Matukũ 22, Mwei wa 4, 2004)
Soma wone ũndũ wĩkwatyo wa ĩvinda yũkĩte ũtonya kũtetheesya ala me na ũwau mũthũku.
“Kũmĩanĩsya na Ũwau Mũthũku—Yo Mbivilia no Ĩtetheesye?” (Ũvoo wĩ kĩsesenĩ)
Ũyĩloela wathi ũu, kũna visa wĩ na mũsyĩ waku mũitanĩa thayũ nthĩnĩ wa Nthĩ Nzaũ ĩla Mbivilia ĩtwathĩte.
Soma wone ũndũ kwĩmanyĩsya ĩũlũ wa ĩvinda yũkĩte kwatumie mũndũ ũmwe wokitĩaa nyamũ na andũ ala matetonya avĩndũka.
“Yu ndi na Vata wa Kũalyũla Nthĩ” (Mũsyaĩĩsya, Ĩtukũ 1, Mwei wa 7, 2013)
No Wendeewʼe Nĩ Ii
MAKŨLYO MAKŨLAWʼA MAVINDA MAINGĨ
Mũvango wa Ngũsĩ sya Yeova wa Kũmanyĩsya Andũ Mbivilia Ũtwaĩĩawʼa Ata?
Mũvango ũũ wa masomo ma Mbivilia ũseũvĩtwʼe nĩ Ngũsĩ sya Yeova ndwĩ ndĩvi, na no ũtũmĩe Mbivilia ĩla ũkwenda. Ĩwʼa wĩ mũthasye kũthokya mũsyĩ waku wʼonthe kana mũnyanya ũla ũkwenda.
