KAMBEINI YA KŨTHOKANYʼA ŨMBANONĨ WA KŨLILIKANA KĨKWʼŨ KYA YESŨ
Yesũ Akamina Ũtũli wa Mĩao
Yesũ nĩwĩsĩ ũndũ andũ mewʼaa yĩla meũthĩna nũndũ wa ũtũli wa mĩao na ũsili ũte wa katĩ. Nĩwasikatĩwe maũndũ ma ũvũngũ, avũwa vate ũndũ wĩkĩte, eekwa maũndũ mate ma ũsili wa katĩ, akwatwa vate ĩvĩtyo wĩkĩte, na akwʼa kĩkwʼũ kĩ woo. O na kau ndaĩ na mavĩtyo, nĩwaumisye na ngenda “thayũ wake wĩthĩwe wovosyo kwondũ wa aingĩ.” (Mathayo 20:28; Yoana 15:13) Nũndũ yu nĩ Mũsumbĩ wa Ũsumbĩ wa Ngai, o mĩtũkĩ akaete ũsili wa katĩ ĩũlũ wa nthĩ yonthe, na aivetanga vyũ ũtũli wa mĩao.—Isaia 42:3.
Mbivilia nĩyĩeleetye ũndũ nthĩ ĩkethĩwa yĩilye yĩla Yesũ ũkosa ĩtambya:
“Mũthũku ndakethĩwa: Ĩĩ, ũkaketeea mũno vandũ vake, na ndakethĩwa. Ĩndĩ ala auu makatiĩwa nthĩ, na makeetanʼya mũuonĩ mwingĩ.”—Savuli 37:10, 11.
Tũtonya kwonanyʼa ata kana nĩtũũtũnga mũvea kwondũ wa maũndũ onthe ala Yesũ weekie na ũkeka kwondũ witũ? Ndetonĩ ila syĩ nthĩnĩ wa Luka 22:19, Yesũ nĩwatavisye aatĩĩi make malilikanae kĩkwʼũ kyake. Kĩu nĩkyo kĩtumi kĩla mwaka Ngũsĩ sya Yeova syũmbanaa ililikane kĩkwʼũ kyake. Nĩtũũkũthokya ũmbane vamwe naitũ kũlilikana kĩkwʼũ kya Yesũ Wakyumwa, Matukũ 24, Mwei wa 3, 2024.
No Wendeewʼe Nĩ Ii
MOMANYĨSYO MA VATA MA MBIVILIA
Ũsumbĩ wa Ngai Nĩ Kyaũ?
Ĩla Yesũ waĩ ĩũlũ wa nthĩ, amanyĩisye ĩũlũ wa Ũsumbĩ wa Ngai kwĩ ũvoo ũngĩ o na wĩva. Kwa myaka maana maingĩ, andũ methĩĩtwe maivoya Ũsumbĩ ũsu wũke.
KŨLILIKANA
Lilikana Kĩkwʼũ kya Yesũ
Nĩtũũkũthokya mũno wĩthĩwe vamwe naitũ ĩla tũkethĩwa tũililikana kĩkwʼũ kya Yesũ o tondũ we mwene waisye. Ĩmanyĩsye ũndũ ũtonya kũtethwʼa nĩ thayũ na kĩkwʼũ kya Yesũ.
ĨŨLŨ WITŨ
Ũmbano wa Kũlilikana Kĩkwʼũ kya Yesũ
Ngũsĩ sya Yeova niũkũthokya ũke Ũmbanonĩ wa Kũlilikana Kĩkwʼũ kya Yesũ Matukũ 12, Mwei wa 4, 2025.
MAKŨLYO MAKŨLAWʼA MAVINDA MAINGĨ
Nĩkĩ Ngũsĩ sya Yeova Ililikanaa Kyaũya kya Wĩoo kya Mwĩaĩi kwa Nzĩa yĩ Kĩvathũkanyʼo na Ndĩni Ila Ingĩ?
Ũmbano wa kũlilikana kĩkwʼũ kya Yesũ, ũla nowʼo wĩtawa Kyaũya kya Mwĩaĩi, nĩwʼo ũmbano ũla wa vata vyũ wa Ngũsĩ sya Yeova. Sisya wone kĩla Mbivilia yaĩtye ĩũlũ wa ũmbano ũsu.
ĨŨLŨ WITŨ
Kũlya Ũthokewe
Kwata ũsũngĩo wa ĩkũlyo yĩkonetye Mbivilia, kana wĩmanyĩsye mũnango ĩũlũ Ngũsĩ sya Yeova.
