Ndonya Kwĩka Ata Ndwʼĩke Ngũsĩ ya Yeova?
Ĩandĩkonĩ ya Mathayo 28:19, 20, Yesũ nĩwaeleisye matambya ala mũndũ waĩle kwosa nĩ kana atwʼĩke Ngũsĩ ya Yeova. Ĩandĩko yĩu nĩyĩeleetye maũndũ ala mũndũ waĩle kwĩka nĩ kana atwʼĩke mũmanyĩwʼa wa Klĩsto, na ũndũ ũmwe nĩ kumya ũkũsĩ ĩũlũ wa Yeova.
Ĩtambya ya 1: Ĩmanyĩsye kĩla Mbivilia ĩmanyĩasya. Yesũ eeie aatĩĩi make ‘makatwʼĩkĩthye andũ . . . amanyĩwʼa, na maimamanyĩsya.’ (Mathayo 28:19, 20) Ndeto ĩla ĩalyũlĩtwe “mũmanyĩwʼa” yonanasya “mũndũ ũkwĩmanyĩsya.” Ndeto ila syĩ Mbivilianĩ, na mũno mũno ila syamanyĩiwʼe nĩ Yesũ, nitonya ũkũtetheesya wĩthĩwe na ũtanu, na ũyĩkala wĩ mwĩanĩe. (2 Timotheo 3:16, 17) No twende ũkũtetheesya wĩmanyĩsye kĩla Mbivilia ĩmanyĩasya kwĩsĩla mũvango ũla twĩthĩawa nawʼo wa kwĩmanyĩsya vate ndĩvi.—Mathayo 10:7, 8; 1 Athesalonika 2:13.
Ĩtambya ya 2: Ĩka kwosana na kĩla weemanyĩsya. Yesũ aisye kana ala mekwĩmanyĩsya no nginya ‘makwate maũndũ onthe ala wameaĩe.’ (Mathayo 28:20) Ũu nĩ kwasya kana nĩwaĩle kwĩka moalyũku mosũanĩonĩ maku, na mwĩkalĩlenĩ waku kwosana na kĩla ũkwĩmanyĩsya Mbivilianĩ. (Meko ma Atũmwa 10:42; Aeveso 4:22-29; Aevelania 10:24, 25) Ala makwata momanyĩsyo ma Yesũ na mekwenda kwĩka ũtwi wa kũtwʼĩka aatĩĩi make, nĩmeyumasya kwa Yeova Ngai.—Mathayo 16:24.
Ĩtambya ya 3: Nĩwaĩle kũvatiswa. (Mathayo 28:19) Mbivilia ĩelekanĩtye kũvatiswa na kũthikwa. (Sianĩsya na Alomi 6:2-4.) Kũvatiswa kwĩthĩawa kũyonanyʼa nĩwatia mwĩkalĩle waku wa tene na wambĩĩa ũngĩ mweũ. Mũndũ avatiswa ethĩawa oonanyʼa ũtheinĩ kana nĩwĩanĩĩtye matambya elĩ ma mbee ala maeleiwʼe nĩ Yesũ, na kana eenda Ngai amũtetheesye ethĩwe na wasya mũseo wa ngoo.—Aevelania 9:14; 1 Vetelo 3:21.
Ndonya kũmanya ata kana nĩnaĩle kũvatiswa?
Neena na atumĩa ma kĩkundi. Namo atumĩa asu nĩmeũneena naku nĩ kana mamanye kana nũeleetwe maũndũ ala waĩle kwĩanĩsya nĩ kana ũvatiswe, nũtũmĩaa maũndũ ala wĩmanyĩĩtye, na kana nĩwĩyumĩtye na ngenda ũmũthũkũme Yeova.—Meko ma Atũmwa 20:28; 1 Vetelo 5:1-3.
Syana ila asyai masyo nĩ Ngũsĩ nĩsyaĩle kwosa matambya asu?
Ĩĩ. O tondũ Mbivilia ĩtwĩaĩe, tũeaa syana sitũ “kwosana na ũndũ Yeova waĩtye.” (Aeveso 6:4) Ĩndĩ o ũndũ syana isu siendeee kwĩana, no nginya syĩyĩkĩe ũtwi wa kwĩmanyĩsya, kwĩtĩkĩla, na kũatĩĩa kĩla Mbivilia ĩmanyĩasya itanamba kwĩtĩkĩlwʼa ivatiswe. (Alomi 12:2) Kwoou, kĩla mũndũ no nginya eyĩkĩe ũtwi maũndũnĩ ma ũthaithi.—Alomi 14:12; Akalatia 6:5.
No Wendeewʼe Nĩ Ii
ĨŨLŨ WITŨ
Twĩkaa Ata Ĩla Tũũmanyĩsya Mũndũ Mbivilia?
Ngũsĩ sya Yeova nthĩ yonthe nĩsyĩsĩkĩe kwĩsĩla mũvango wa kwĩmanyĩsya na andũ Mbivilia vate ndĩvi. Sisya ũndũ mekaa ũu.
MAKŨLYO MAKŨLAWʼA MAVINDA MAINGĨ
No Nginya Nĩtwʼĩke Ngũsĩ ya Yeova Neemanyĩsya Mbivilia Namo?
Ngũsĩ sya Yeova syĩmanyĩasya Mbivilia na andũ milioni mbingĩ kuma kĩla vandũ ĩũlũ wa nthĩ vate ndĩvi. Ĩndĩ weemanyĩsya Mbivilia naitũ nĩ lasima ũkatwʼĩka Ngũsĩ?
MAKŨLYO MAKŨLAWʼA MAVINDA MAINGĨ
Mũvango wa Ngũsĩ sya Yeova wa Kũmanyĩsya Andũ Mbivilia Ũtwaĩĩawʼa Ata?
Mũvango ũũ wa masomo ma Mbivilia ũseũvĩtwʼe nĩ Ngũsĩ sya Yeova ndwĩ ndĩvi, na no ũtũmĩe Mbivilia ĩla ũkwenda. Ĩwʼa wĩ mũthasye kũthokya mũsyĩ waku wʼonthe kana mũnyanya ũla ũkwenda.
MOSŨNGĨO MA MAKŨLYO MA MBIVILIA
No Nginya Mũndũ Ethĩwe E wa Ndĩni Na?
Nĩ ũndũ ũtonyeka mũndũ akamũthaitha Ngai e o weka ate kũmbana na andũ ala angĩ?
MOMANYĨSYO MA MBIVILIA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.