Ve Vandũ Ngai Wĩkalaa?
Ũndũ Mbivilia yaasya
Ũsũngĩo nĩĩ ĩĩ. Ngai ekalaa ĩtunĩ. Kwoona ũndũ mĩsoa ĩno yonanasya:
Mũsumbĩ Solomoni aisye ta ũũ Mboyanĩ: “Wĩĩthukĩĩsya wĩ ĩtunĩ ũtũonĩ waku.”—1 Asumbĩ 8:43.
Yesũ Klĩsto eeie amanyĩwʼa make mavoyae kwa “Asa waitũ ũla wĩ ĩtunĩ.”—Mathayo 6:9.
Ĩtina wa Yesũ kũthayũũkwʼa, alikile “ĩtunĩ e yo, nĩ kana onekae yu mbee wa ũthyũ wa Ngai.”—Aevelania 9:24.
Mĩsoa ĩsu yĩonanyʼa nesa vyũ kana Yeova kwa wʼo e vo, na ekalaa ĩtunĩ, ĩndĩ ti kĩla vandũ.
No Wendeewʼe Nĩ Ii
MOSŨNGĨO MA MAKŨLYO MA MBIVILIA
We Ngai e Kĩla Vandũ?
Yo Mbivilia nĩmanyĩasya kana Ngai e kĩla vandũ? Nĩ kyaũ kĩũkũĩkĩĩthya kana ve vala Ngai wĩkalaa, na nũkũthĩnĩkĩaa we mwene?
MOMANYĨSYO MA VATA MA MBIVILIA
Nĩ Ũndũ Ũtonyeka Kũtwʼĩka Mũnyanya wa Ngai?
Kwa myaka maana maingĩ, andũ nĩmethĩĩtwe mayenda kũmũmanya Mũmbi woo. Mbivilia no ĩtũtetheesye tũkatwʼĩka anyanyae ma Ngai. Ũnyanya ũsu wambĩĩaa na kwĩmanyĩsya ĩsyĩtwa ya Ngai.
ĨŨLŨ WITŨ
Kũlya Ũthokewe
Kwata ũsũngĩo wa ĩkũlyo yĩkonetye Mbivilia, kana wĩmanyĩsye mũnango ĩũlũ Ngũsĩ sya Yeova.