Ve Mũndũ Ũtonya Kũmanya Ũla Waandĩkie Mbivilia?
Ũndũ Mbivilia Yaasya
Andũ aingĩ meĩtwe kana tũitonya kũmanya nesa vyũ ala maandĩkie Mbivilia. Ĩndĩ Mbivilia nĩwetaa nesa andũ ala mamĩandĩkie. Mavuku amwe mambĩĩaa na ndeto ta “ndeto sya Neemia,” “woni wa Isaia,” na “ndeto ya Yeova ĩla yamũkĩe Yoeli.”—Neemia 1:1; Isaia 1:1; Yoeli 1:1.
Aandĩki aingĩ ma Mbivilia nĩmawetaa kana maandĩkaa maũndũ ala matavĩtwʼe nĩ Ngai ũla wa wʼo, Yeova, na kana nĩwe wamatongoesye. Athani ala maandĩkie Maandĩko ma Kĩevelania nĩmawetete ũũ mbee wa mavinda 300: “Ũũ nĩwʼo Yeova ũnũkwasya.” (Amosi 1:3; Mika 2:3; Naumu 1:12) Ngai nĩwatũmĩie alaĩka kũneena na aandĩki amwe ma Mbivilia.—Nzekalia 1:7, 9.
Mbivilia yaandĩkiwe nĩ andũ 40 ũu kwa ĩvinda ya myaka mbee wa 1,600. Andũ amwe nĩmaandĩkie mbee wa ĩvuku yĩmwe ya Mbivilia. Mbivilia nĩ ĩvuku yĩ mavuku manini 66. Yĩthĩawa na mavuku 39 ma Maandĩko ma Kĩevelania, ala mesĩkĩe ta Ũtianĩo Mũkũũ, na mavuku 27 ma Maandĩko ma Kĩkiliki ma Kĩklĩsto, ala mesĩkĩe ta Ũtianĩo Mweũ.
No Wendeewʼe Nĩ Ii
MOMANYĨSYO MA VATA MA MBIVILIA
Mũandĩkĩthya wa Mbivilia Nũũ?
Ethĩwa Mbivilia yaandĩkiwe nĩ andũ, kwa w’o no yĩtwe Ndeto ya Ngai? Ũvoo ũla wĩ Mbivilianĩ umanĩte naũ?
MOMANYĨSYO MA VATA MA MBIVILIA
Tũtonya Kũmanya Ata Kana Mbivilia Nĩ ya W’o?
Ethĩwa Mbivilia yaandĩkĩthiw’e nĩ Ngai, yaĩle kwĩthĩwa yĩ kĩvathũkany’o vyũ na mavuku ala angĩ.
MOSŨNGĨO MA MAKŨLYO MA MBIVILIA
Yo Mbivilia Nĩ Kyaũ?
MOSŨNGĨO MA MAKŨLYO MA MBIVILIA
Mbivilia Yumĩte kwa Ngai?
Aandĩki aingĩ ma Mbivilia maisye kana maũndũ ala maandĩkie maumĩte kwa Ngai. Nĩkĩ?
MOSŨNGĨO MA MAKŨLYO MA MBIVILIA
Mbivilia Yĩthĩawa na Ũĩ wa Mũndũ?
Kwoona ũndũ Mbivilia yo mwene yaĩtye.
MOMANYĨSYO MA MBIVILIA
Ambĩĩa Kwĩmanyĩsya Mbivilia Naitũ
Ambĩĩa kwĩmanyĩsya Mbivilia na mwalimũ waku vate ndĩvi.