Tinang A Shim Lam Policy
Tinang A Shim Lam Policy
Lawu Na Ni Hpe Mung Yu U
NA A SHIM LAM HPE HKUNGGA AI LAM
Na a shim lam hpe anhte hkungga ai hte makawp maga ya na. Nang kaw na lu ai, nang madun ai personal data yawng hte seng nna, ndai policy hpe Nyu Yawk Sin Langchyi Chyum Laika Hte Garan Laika Hpung (“Sin Langchyi”) kaw na lajang da ai website hte uhpung a app yawng hta madun da na re. Website hpe shang yu ai shaloi, madung lam nkau mi hpe hkang zing makawp maga da na matu, gara hku lang ra na hpe tsun dan na matu, ahkyak ai hpe anhte chye na hkap la ga ai. Tinang hte seng ai lam ni hpe lata nna, anhte hpang de sa ya mai ai. Ndai policy hta lang da ai “personal data” ngu ai hta, na a amying, email hkring dat, nga shara, phone nambat shing nrai nang hte seng nna lang mai ai, kaga lam shagu hpe tsun mayu ai re. “Website” ngu ai hta, ndai website hte apps.pr418.com, ba.pr418.com, stream.pr418.com hte wol.pr418.com ni zawn, anhte a ginrun website ni lawm ai.
DATA-MAKAWP MAGA AI WA A LAM
Ndai website hte uhpung a app yawng gaw, Sin Langchyi madu ai rai nna, Yehowa Sakse ni a galaw ai lam ni, Chyum Laika hpaji jaw ai bungli ni hpe madi shadaw ya nga ai, amyat n tam ai Nyu Yawk a corporation langai re. Anhte a website hta account hpaw ai, alu bang ai, Chyum Laika hkaja na matu hpyi shawn ai, personal data ni hpe jaw nna, galaw ra ai ni nga wa yang, ndai policy hpe myit hkrum ra ai. Mungdan shagu hta nga ai Yehowa Sakse Ni hpe madi shadaw ya nga ai, Sin Langchyi hte rau pawng galaw ai uhpung ni gaw, na a hpyi shawn ai lam hpe, matut galaw na matu American mungdan hta nga ai, server ni hta mahkawng ai, bungli ni galaw ai, galai shai ya ai, zing da ai lam ni hpe mung myit hkrum ra na re. Ndai nawku htung uhpung uhpawng gaw, ginjaw garan rung ni hku nna, mungkan ting hta bungli ni galaw nga ai. Buga nawku hpung ni, ginjaw garan rung ni, Yehowa Sakse Ni a dai zawn rau jawm galaw ai, uhpung uhpawng ni a data ni hpe makawp maga ai lam mung lawm ai.
Na a personal data hpe makawp maga ya ai wa gaw, website lang ai hta hkan nna galai shai ya mai ai. Ga shadawn, mungdan langai a uhpung hpang de, alu gumhpraw bang na rai yang, na a mying, matut mahkai mai na lam ni hpe, madun ya ra ai. Chyum Laika hkaja na matu hpyi shawn ai rai yang, Yehowa Sakse Ni a ginjaw garan rung hte nawku hpung hpang de, tinang a mying hte matut mahkai mai na lam ni hpe madun ya ra na re.
Nang nga ai mungdan hta, data makawp maga upadi nga yang, Data Makawp Maga Lam A Matut Mahkai Lam Ni laika man hta, matut mahkai mai ai lam ni hpe yu mai ai.
DATA SHIM LAM HTE MAKOI MAGAP DA RA AI LAM
Na a personal data shim lam hte makoi magap da ra ai lam hpe, anhte ni grai ahkyak shatai ga ai. Na a lam ni hpe nang hte n seng ai ni n yu na matu, shut ai hku n lang na matu, ahkang n lu ai sha n gram na matu, n jahten na matu, n dum shami n mat na matu, up-to-date data storage hte shim lam ladat hpaji ni hpe lang da ai. Personal data ni hpe lit hkam galaw ai ni, hpung masum ni (third parties) hta makoi magap da ra na lit nga ai. Na a personal data ni hpe mahkawng da ya ai a yaw shada lam a matu rai rai, tara upadi ni, rit kawp tara ni hku nna, ra rawng ai hku hkan nna zing da na re.
Personal data ni hpe ka bang ai shaloi, Transport Layer Security (TLS) zawn, encryption ladat ni hpe lang ai. Anhte hpang de ka ai kata lam, shim lam hte seng ai data ni hpe makawp maga na matu, matut mahkai arai ni, electronic hkrang, shim lam hte seng ai galaw ladat ni hte computer ladat de shang na ahkang hpe pat hkum da ai. Ahkang n lu ai sha n shang yu lu hkra, shim lam madang ni hpe aja awa makawp maga da ai.
MA KAJI NI
Anhte a website hpe shang yu ai lam hta, ma kaji ni rai yang kanu kawa ni lawm yang she, personal data ni hpe tang shawn mai na re. Kanu kawa shing nrai ma kaji hpe ndai website hta personal data ni tang shawn na ahkang jaw ai gaw, ma ni a website lang ai hte seng nna, ndai policy hpe myit hkrum ai lam re.
LATA LANG NA KAGA WEBSITE NI (THIRD PARTIES)
Kalang lang, ndai website (sh) uhpung a app ni hta lata lang na kaga website ni hte matut mahkai ya ai link ni lawm na re. Dai website gaw, anhte a malai bungli nkau mi (ga shadawn, online form ka bang ai) hpe galaw ya ai. Lata lang na kaga website hta du nga ai lam hpe, n bung ai hkrang hte browser kaw na, hkring dat shara galai shai mat ai hpe, yu nna chye lu ai. Kaga website ni hpe anhte lata ai shaloi, anhte a policy hte htap htuk na matu, shanhte a shim lam hte data makawp maga ai policy ni hpe jep ai. Raitim, ndai third-party vendors kaw nna madi shadaw ya ai app ni hte service ni a program ni, hkan sa ra ai lam ni, tinang a shim lam policy ni hte general condition ni hpe anhte n lu hkang ai. Dai majaw, dai app ni hte service ni hpe ndai website kaw nna lang na rai yang, dai website ni hte seng ai hkan sa ra ai lam ni hte general condition ni hpe, kaga website ni hta madun da ya ai. Anhte hku nna gaw, update galaw ra na hpe n shadum ai majaw, kaga website a service hpe garai n lang shi yang, dai hta lawm ai hkan sa ra ai lam ni hpe shawng hti yu u. Kaga website a policy ni hte seng nna chye mayu yang, shanhte a website hta chyeju hte tam yu u.
Ndai website kaw nna Google Maps services hpe lang ai rai yang, Google Privacy Policy hpe hkan sa ra ai. Kaga website re ai Google kaw nna app ni, program hte Terms of Service ni hpe anhte n lu hkang ai. Dai majaw, ndai website hku nna Google Maps services hpe lang ai rai yang, Google Maps/Google Earth Additional Terms of Service ni hpe hkan sa u. Anhte hku nna gaw, update galaw ra na hpe n shadum ya ai majaw, Google Maps services hpe garai n lang shi yang, dai hta lawm ai hkan sa ra ai lam ni hpe shawng hti yu u. Dai hta lawm ai hkan sa ra ai lam ni hpe n lu hkan sa yang, Google Maps services hpe n lang ging ai.
POLICY GALAI SHAI AI NI HPE SHANA AI LAM
Ndai website hte uhpung a app yawng hta ningnan galaw ai lam ni, lam ningnan ni, service ni hpe kaja ai hta grau kaja hkra, ayan gram lajang ya nga ai. Ndai zawn ayan galai shai ai lam ni, upadi hte ladat hpaji galai shai ai lam ni nga ai majaw, data galai shai ai lam ayan ngu na daram galai shai na re. Anhte a Policy galai shai ra wa ai shaloi, anhte mahkawng da ai lam ni, gara hku lang ai lam ni hpe ayan sadi hkrup lu hkra, ndai laika man hta madun ya na re.
ACTIVE SCRIPTING SHING NRAI JAVASCRIPT
Ndai website hte uhpung a app ni galaw ai lam ni grau kaja hkra, scripting hpe lang da ai. Scripting ladat hpaji hpe lang ai majaw, website lang ai ni hpang de shiga alawan lu sa ya ai. Website hte uhpung a app ni lang ai ni a computer hta software bang na matu rai rai, ahkang n lu ai sha, na a lam ni hpe mahkawng da na matu rai rai, scripting hpe tsep kawp n lang ai.
Anhte a website a matu browser hta nkau daw ni hpe grau kaja hkra galaw lu hkra, Scripting shing nrai JavaScript hpe lang nan lang ra ai. Laksan website ni a matu Browser law malawng hta, ndai hkrang hpe lang na, n lang na hpe lata mai ai. Lang na website a matu, JavaScript gara hku lang ai hpe chye lu hkra, Browser Help ngu ai shara hta yu u.