Anhte a Hpan Madu gaw dinghku de ai hte seng ai tara ni hpe masha asuya ni tara garai n jaw shi ai moi aten kaw nna jaw da ngut chyalu re. Chyum Laika a shawng nnan Laika hta ndai hku ka da ai: “Lasha gaw tinang a kanu kawa hpe kau da nhtawm shi a madu jan hte manoi nga na rai nna, shan lahkawng gaw hkum shan langai sha tai lu na ma ra ai.” (Ningpawt 2:24) Ga htai chyum langai (Vine’s Expository Dictionary of Biblical Words) hta “madu jan” ngu ai Hebre ga gaw, “num kasha” ngu ai lachyum nga ai ngu nna tsun da ai. Yan la hku nna dinghku de ai ni gaw, “lasha yan numsha” sha rai ra ai hpe Yesu mung kahtap nna shagrin ya ai.​—Mahte 19:4.

 Dai majaw, dinghku ngu ai gaw lasha langai hte numsha langai a lapran laklai ai hku hkau lam rai nna, prat tup grin na matu Karai Kasang yaw shada da ai. Num hte la gaw shada da ra kadawn ai hpe shadik ya nna, myit masin n-gun jaw hkat lu na matu, ma ni hpe madi shadaw ya na matu, hpan da hkrum ai.