Amek i teţwaliḍ tudert ɣer zdat?
Σlaḥsab-ik, ddunit...
-
aţ-ţeqqim akka i tella?
-
aţ-ţenṭerr akteṛ?
-
aţ-ţwenneε?
AYEN I D-IQQAR WEDLIS IQEDSEN
“Ṛebbi [...] a sen-yesfeḍ imeṭṭawen, ur teţţili lmut, ur yeţţili leḥzen, ur yeţţili umeǧǧed ur yeţţili lqeṛḥ axaṭer leḥwayeǧ timezwura εeddant ur ţεawadent ara a d-uɣalent.” —Aweḥḥi 21:3, 4, Awal n tudert, 2001.
AYEN ARA K-D-ISSIS WAYAGI
Lxedma yesεan azal yerna yessefṛaḥen.—Icεaya 65:21-23.
Ur iţţuɣal ad yili la lehlak la lqerḥ.—Icεaya 25:8; 33:24.
Aţ-ţεiceḍ di sseεd i lebda kečč ţ-ţwacult-ik d leḥbab-ik.—Ahellil 37:11, 29.
NEZMER A NAMEN S WAYEN I D-IQQAR WEDLIS IQEDSEN?
Ih. Atentah kra n ssebbat:
-
Ṛebbi yezmer ad yexdem ayen i d-iwεed. Deg Wedlis Iqedsen, ala Yahwa Ṛebbi i geţţusemman “Bab n tezmert”, axaṭer tazmert-is ur tesεi ara tilisa. (Aweḥḥi 15:3) Ihi ţ-ţideţ, yezmer ad yexdem ayen i d-iwεed, yeεni ad iwenneε ddunit. Am wakken i d-yenna Wedlis Iqedsen, “Ṛebbi yezmer i kullec.”—Matta 19:26.
-
Ṛebbi yebɣa ad yexdem ayen i d-iwεed. Γef lemtel, Yahwa icedha a d-yerr tudert i wid yemmuten.—Yub 14:14, 15.
Akken yura daɣen deg Wedlis Iqedsen, nnbi Σisa yesseḥla imuḍan axaṭer d ayen i gebɣa ula d neţţa. (Marqus 1:40, 41) Imi yeţεanad akken ilaq Ṛebbi di ṭṭbiεa, yella-yas deg wul ad iεiwen imeɣban.—Yuḥenna 14:9.
Nezmer ihi a neḍmen belli Yahwa akk-d Σisa bɣan-aɣ tudert yeččuṛen d sseεd ɣer zdat!—Ihellilen 72:12-14; 145:16; 2 Buṭrus 3:9.
XEMMEM ΓEF WAYA
Amek ara iwenneε Ṛebbi ddunit?
Adlis Iqedsen yeţţarra-d lǧawab i westeqsi-yagi di MATTA 6:9, 10 akk-d DANYIL 2:44.