Amezruy n wass-a n Inagan n Yahwa yebda di taggara n lqern wis 19 di lǧiha n Bitsberg, di Bansilbanya (Marikan). Yiwet n terbaɛt tamecṭuḥt n imasiḥiyen bdan ssenqaden Adlis Iqedsen tamsalt tamsalt yerna mebla ma ţţeklen ɣef wayen i ssnen yakan. Ssemqabalen ayen i sselmadent Tmezdayin n ddunit tamasiḥit akk-d wayen yesselmad Wedlis Iqedsen s ṣṣeḥ. Ayen i d-lemmden ssufuɣen-t-id di tektabin, deg ijeṛnanen akk-d tesɣunt yeţţusemman ass-a Lbeṛǧ n Tɛessast yeţxebbiṛ-ed ɣef Tgelda n Yahwa.

 Imdanen-agi semman i yiman-nsen Inelmaden n Wedlis Iqedsen; yiwen seg-sen isem-is Charles Russell. Russell inǧeṛ-ed abrid deg wayen yeɛnan aberreḥ n lexbaṛ n Wedlis Iqedsen, yerna d neţţa i d amḍebber amezwaru ɣef wayen i d-iţeffɣen di tesɣunt Lbeṛǧ n Tɛessast. Meɛna, s wannect-a, mačči d ddin ajdid i gesbedd. Russell akk-d Inelmaden nniḍen n Wedlis Iqedsen di lweqt-nni sɛan leqsed-agi: ad mlen i medden aselmed n Ɛisa w’ad ddun akken i tella tţeddu tejmaɛt tamasiḥit n lqern amezwaru. Imi d Ɛisa i gesbedden ddin amasiḥi, ar ɣur-neɣ d neţţa i d-yeǧǧan ddin-agi-nneɣ.—Ikulusiyen 1:18-20.