Ala. Nezga neţberriḥ si tewwurt ɣer tayeḍ, d ṣṣeḥ, meɛna ur neţṛaǧu ara a d-nerbeḥ leslak-nneɣ s leqdic-agi.—Ifasusiyen 2:8.

 Bac a d-nessefhem ayagi, a d-nefk yiwen n lemtel... Xayel-ed lukan ad yewɛed yiwen wergaz asaxi lehdeyya ɣlayen mliḥ i yal amdan ara d-yasen kra n wass ɣer walbeɛḍ n imukan. Ma tumneḍ s ṣṣeḥ lweɛd i d-yefka wergaz-agi, mebla ccekk aţ-ţxedmeḍ ayen i d-yeḍleb. Yerna, ahat aţ-ţhedṛeḍ i yemdukkal-ik d wat wexxam-ik ɣef tegniţ-agi ara farṣen, bac ad sfaydin seg-s ula d nutni. Lameɛna, ayen tebɣuḍ txedmeḍ-t bac aţ-ţtebɛeḍ lewṣayat n wergaz-nni, ur d-trebbḥeḍ ara lehdeyya-yagi. Lehdeyya teţɣama d lehdeyya.

 Kifkif daɣen, Ṛebbi yewɛed ad yefk tudert n dayem i wid akk i s-yeţţaɣen awal; nekni numen s lweɛd-agi. (Iṛumaniyen 6:23) Nxeddem ayen akk iwumi i nezmer bac a nheddeṛ ɣef ddin-nneɣ i wiyaḍ; nessaram ad sfaydin seg wayen i gewɛed Ṛebbi. Meɛna ur neţṛaǧu ara a d-nerbeḥ leslak-nneɣ s uberreḥ i neţberriḥ. (Iṛumaniyen 1:17; 3:28) Di tin n ṣṣeḥ, ayen yebɣu ixdem-it wemdan, ur yezmir ara ad yestahel lehdeyya i d-ihegga Ṛebbi. “Isellek-aɣ, mačči s kra n lefɛayel n lḥeqq i nexdem nekwni, lameɛna akken i tella ṛṛeḥma-s.”—Titus 3:5.