Riid Daniyel 9:1-19 fi si wa mek it gud fi stodi aad.

Chrai fi fain out muor bout wa yu a riid bout. Chrai fi fain out wa a som a di sopm dem we did jos apm an ou dem sopm de did mek Daniyel fiil. (Dan. 5:29–6:5) Ef yu a did Daniyel, a ou yu wuda fiil?

Lorn som muo. A wa a di buk dem we Daniyel mait-a did riid? (Dan. 9:2; w11-E 1/1 22 ¶2) Wa mek Daniyel did taak bout di rang sitn dem we im an di piipl dem iina Izrel did du an beg Gad fi paadn dem? (Liv. 26:39-42; 1 Ki. 8:46-50; dp-E 182-184) Wen wi luk pan di sopm dem we Daniyel did prie bout, a ou dat elp wi fi si se im a sumadi we yuus tu stodi Gad Wod aad aad?​—Dan. 9:11-13.

Tingk bout di sitn dem we yu a lorn an du dem. Aks yuself dem kwestiyan ya:

• ‘Wa kyan elp mi fi no wori tu moch bout di sitn dem we a gwaan iina di worl ya nou?’ (Mai. 7:7)

• ‘A ou it a-go elp mi ef mi stodi Gad Wod aad aad laik ou Daniyel did dwi’it?’ (w04-E 8/1 12 ¶17)

• ‘Wa a som a di sitn dem we mi kyan stodi bout we kyan elp mi fi mek shuor se mi “eva a wach an a luk out”?’ (Mat. 24:42, 44; w12-E 8/15 5 ¶7-8)