“Gad a-go waip dem fies and jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”​—Revilieshan 21:4, Di Jamiekan Nyuu Testiment.

Yu wi get work we mek yu fiil gud bout yuself, an yu wi si we yu a work fa.​—Isaiah 65:21-23, New World Translation.

Sofarieshan an siknis a-go don we wid.​—Isaiah 25:8; 33:24.

Yu a-go liv api wid yu fambili an fren dem fi eva an eva.​—Psalm 37:11, 29.

Ye. Wa mek? Si tuu riizn ya:

• Gad av di powa fi du eniting we im se im a-go du. Iina di Baibl, it se Jeuova Gad wan muo powaful dan evribadi els. (Revilieshan 15:3) So im pramis se im a-go mek di worl beta, an im kyan muo dan du it. Jos laik wa di Baibl se, notn no de we Gad kyaahn du.​—Matyu 19:26.

• Gad riili riili waahn fi du wa im se im a-go du. Tek fi egzampl, piipl we ded, yu nuo ou Jeuova wel wel waahn fi mek dem kom bak alaiv?​—Job 14:14, 15.

  An Jiizas komiin siem wie laik im faada. (Jan 14:9) Im waahn elp piipl. Di Baibl shuo se wen Jiizas did de pan di ort, im iil di sik. Wa mek im du dat? Kaa im waahn fi du it.​—Maak 1:40, 41.

  So dis mek wi nuo se di tuu a dem, Jeuova an Jiizas, waahn elp wi fi av wan api fyuucha!​—Psalm 72:12-14; 145:16; 2 Piita 3:9.