Di Kindom a Gad—A Wa?
Yu tingk se . . .
-
a sitn iina yu aat?
-
a di siem az evn?
-
a wan govament we ruul fram evn?
DIS A WA DI BAIBL SE
“Kaaz Jiizas afi ruul uova di kindom, til im put di uol a im enimi dem anda im fut.”—1 Korintiyan 15:25, Di Jamiekan Nyuu Testiment.
“Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”—Revilieshan 11:15.
WA DAT A-GO MIIN FI YU
-
Gad Kindom, we a wan gud govament, a-go ruul, an it a-go mek yu get nof nof blesn.—Isaiah 48:17, 18, New World Translation.
-
Yu a-go liv iina wan nyuu worl we laif a-go swiit, an yu a-go liv elti an api.—Revilieshan 21:3, 4.
YU TINGK WI KYAN RIILI BILIIV WA DI BAIBL SE?
Ye. Wa mek? Si tuu riizn ya:
-
Jiizas mek wi andastan we Gad govament a-go du. Iina di Owa Faada Prieya we im tiich im falara dem, Jiizas mek wi nuo se Gad Kindom a-go mek we im waahn fi apm pan ort apm. (Matyu 6:9, 10) An Jiizas shuo ou da prieya de a-go ansa. Ou im du dat?
Wel wen im did de pan ort, im iil di sik, riez di ded an yuuz im powa fi fiid onggri piipl. (Matyu 15:29-38; Jan 11:38-44) So sins im nuo se im did a-go ton King, Jiizas gi wi a swiit likl glims fi shuo we di kindom a-go du fi wi iina di fyuucha.—Revilieshan 11:15.
-
Di sitn dem we a gwaan roun wi nou shuo se di Kindom suun kom. Jiizas did se, jos bifuo dat apm, wi wuda si uol iip a waar an ortkwiek, fuud wuda shaat iina nof nof plies, an uol iip a piipl wuda staav.—Matyu 24:3, 7.
A dem siem sitn de wi si a gwaan tide. So dat mek wi nuo se Gad Kindom de rait roun di kaana, an aal a wi prablem dem suun gaan.
TINGK BOUT DIS
Wen Gad Kindom staat ruul uova di ort, ou laif a-go stie?
Di Baibl ansa da kwestiyan de iina REVILIESHAN 21:4.
You May Also Like
ESSENTIAL BIBLE TEACHINGS
Di Kindom A Gad—A Wa?
Wen Jiizas did de pan di ort an a priich, Gad Kindom a di mien ting we im did tiich bout. Fi uol iip a ier, im falara dem a prie fi da Kindom de kom.
DI WACHTOWA
Wa Gad Kindom A-Go Du Fi Wi?
Wid aal a di bad sitn dem we a gwaan iina da worl ya, Jiizas did nuo se di onggl govament we kyan get rid a dem prablem de a Gad Kindom govament. Wa a som a di sitn dem we da govament de du aredi we mek wi nuo se wi kyan chos it?
BOUT WI
Wai It Gud fi Stodi di Baibl?
Di Baibl a elp uol iip a piipl roun di worl fi fain di ansa dem fi di impuotant kwestiyan dem iina laif. Yu wuda laik fi bi wan a dem?
TINGZ WE WI KYAN LORN FRAM DI BAIBL
Chek Out Wi Baibl Stodi
Yu kyan get sumadi fi stodi di Baibl wid yu fi frii.
