Wa A di Mien Ting fi Mek Yu Fambili Api?
Yu tingk se a . . .
-
lov?
-
moni?
-
sitn els?
DIS A WA DI BAIBL SE
“Di piipl dem we ier Gad wod an du we it se, a dem riili bles.”—Luuk 11:28, Di Jamiekan Nyuu Testiment.
WA DAT A-GO MIIN FI YU
Yu wi fain chuu lov.—Ifiijan 5:28, 29.
Evribadi iina di fambili wi rispek wan aneda.—Ifiijan 5:33.
Di fambili a-go lak tait an stie tugeda.—Maak 10:6-9.
YU TINGK WI KYAN RIILI BILIIV WA DI BAIBL SE?
Ye. Wa mek? Si tuu riizn ya:
-
Fambili de bout kaaz a Jeuova mek it. Wa dat av fi du wid wi?
Tingk bout dis. Ef yu a iit som nais, nais fuud an it swiit yu, an yu waahn fain out wa an wa iina it, uu yu wuda aks? It no mek sens yu aks di sumadi we kuk it?
Siem wie, ef wi waahn fi fain out wa wi afi du fi mek wi fambili api, wi afi aks Jeuova Gad uu mek fambili iina di fos plies.—Genesis 2:18-24, New World Translation.
-
Gad kier bout yu. Wi kyan biliiv wa di Baibl se kaaz, iina 1 Piita 5:6, 7, di Baibl se “Gad kier bout unu.” So dat miin se im waahn wa bes fi wi. Plos, eniting we im se aalwiez work out gud fi wi.—Proverbs 3:5, 6; Isaiah 48:17, 18.
TINGK BOUT DIS
Wa kyan mek yu wan beta ozban ar waif, wan beta mada ar faada, ar iivn wan beta pikni?
Di Baibl ansa da kwestiyan de iina IFIIJAN 5:1, 2 an KOLOSHAN 3:18-21.
You May Also Like
BOUT WI
Wai It Gud fi Stodi di Baibl?
Di Baibl a elp uol iip a piipl roun di worl fi fain di ansa dem fi di impuotant kwestiyan dem iina laif. Yu wuda laik fi bi wan a dem?
BOUT WI
Aks Fi Wan Vizit Fram Di Jeuova Witnis Dem
Yu kyan get fi taak bout wan a di kwestiyan we di Baibl gi wi ansa fa, ar yu kyan lorn muor tingz bout di Jeuova Witnis dem.
