Igho nin Esali Jehova tobele rọkhọle rie re, ọle arẹ manman ri iwẹnna itẹmhọn Osẹnobulua khian. Ai koki igho bhi ikolo oga nesẹmhan bi ai yọle nan zi itaiti. (Matthew 10:7, 8) Ọria ha mhọn ebọ ho nọn rọkhọle rie re, ẹkpẹti ribhọ nọn a ri ọle ọ. Aida sue elin eria ne rie emhin ọ bhi ẹkpẹti.

Emhin ọkpa nọn zẹ ni igho da sẹ mhan rẹ lue emhin, ọle hi man i mhọn ohẹn otuẹ nan ha ele osa. Deba ọnin, mhan i ha Esali Jehova osa nerẹ tẹmhọn Osẹnobulua nan bhi ukuwa rẹsi ukuwa. Sẹyẹ, uwa oga nesẹmhan i hu gbe.

Enin igho nan rọkhọ ọria rie re nan rie ji ọfisi ọsi Esali Jehova, ọle arẹ miẹnkpa eria nin emhin idumhuri sunu je, ene nan agba-ẹbho nanbha agba-ẹbho tẹmhọn Osẹnobulua bi ene fẹ agbotu ghe. Ọle ayẹ rẹ miẹnkpa nan rẹ bun uwa oga bhi agba-ẹbho nei manman mhọn igho bi nanrẹ printi, yẹ rẹ munin Baibo bi ebe nanrẹ luẹ Baibo ji ẹbho kikẹ.

Ọdeọde la tobọle zẹ sọle ha rie emhin re nanrẹ miẹnkpa iwẹnna oga bhi eji ọle ye la ọsi agbọn rebhe. Ẹghe rebhe arẹ tale re eba rẹ noo igho yẹ.