Ene Yu Dẹ Be Sabọ Kie Nyẹnlẹn?
Uwẹ dẹ be yọle . . .
-
ehe?
-
eye?
-
asabọmiẹn?
EBI BAIBO TALE
“Ariọkpanọ bhi uu dẹ ha ribhọ.”—Acts 24:15, New World Translation.
EBI ỌNAN HA RẸ SABỌ RẸKPA UWẸ YẸ
Uwẹ ki ha mhọn ikoudure sade ọria nin uwẹ hoẹmhọnlẹn yu.—2 Corinthians 1:3, 4.
Uwẹ ida yẹ ha mun ofẹn uu.—Hebrews 2:15.
Uwẹ ki ha mhọn ọne ikhuaẹloghe ghe, uwẹ dẹ sabọ kie miẹn ẹbho nin uwẹ manman hoẹmhọnlẹn ne yu.—John 5:28, 29.
MHAN DẸ BE SABỌ RẸỌ BHI EMHIN NIN BAIBO TALE?
Ehe, ranmhude ene emhin ea nan:
-
Obọ Osẹnobulua iẹnlẹn na vae. Baibo yọle ghe, ‘obọ nọnsi Jehova iẹnlẹn na vae.’ (Psalm 36:9; Acts 17:24, 25) Ọle nọn ka re iẹnlẹn nin emhin rebhe ne nyẹnlẹn, dẹ yẹ sabọ kie re iẹnlẹn nin ọria nọn yu.
-
Osẹnobulua ka riọ eria ne yu kpanọ khẹ bhi ẹghe nọn gbera. Baibo tẹmhọn itue elẹnlẹn—ikpea bi ikhuo, ewanlẹn bi ibhokhan—ne rẹ yu nan riọ kpanọ dọ ha nyẹnlẹn. Ọ bha bue nin eso yu ọkuẹsẹ a riọ ele kpanọ. Ọkpakinọn, ọkpa ribhọ nọn gbe ikpẹdẹ enẹn bhi idin a kuẹ riọ ọle kpanọ.—John 11:39-44.
-
Ọ sẹyẹ ghọn Osẹnobulua rẹ riọ ene yu kpanọ. Uu iyẹẹ iJehova; oghian eria uu khin bhi ẹlo nọnsi Jehova. (1 Corinthians 15:26) Ọle wo muegbe nin ọle rẹ re ọkpẹnlẹn ọbhi uu. Ọ yẹ wo ghọn ọlẹn rẹ riọ ene ribhi ayere nọnsọle kpanọ bhi idin dọ ha nyẹnlẹn bhi ọne otọ nan.—Job 14:14, 15.
EMHIN NIN UWẸ HA ZILO NYAN
Bezẹle nin mhan da dọmanlẹn yẹ yu?
Baibo wanniẹn ọne inọnta nan bhi GENESIS 3:17-19 bi ROMANS 5:12.
Emhin Ebhebhe Ne Ha Yẹ Ti Uwẹ Bhọ
ESSENTIAL BIBLE TEACHINGS
Be Sunu Ji Ene Yu?
Baibo tale ghe ẹghe vade nin ẹbho ne bunbun ha rẹ riọ kpanọ bhi uu, beji Lazarus rẹ riọ kpanọ.
EWANNIẸN ỌSI INỌNTA NE RẸTẸ IBAIBO
Be IBaibo Tale Rẹji Ariọkpanọ Bhi Uu?
Unan ẹbho nan ha riọ kpanọ bhi uu bhi ẹghe odalo sabọ rẹ han uwẹ ilo.
ẸMHỌN MHAN
Bezẹle Aluẹ IBaibo?
IBaibo miẹkpa ẹbho nebun bun bhagbọn rebhe rẹ mie ewan-niẹn rẹji idede inọnta bhẹ mhọn iẹnlẹn. Ọdẹi yẹẹ rẹha yọ ọso bhọ?
