Guðspjöllin nefna mann sem var kallaður Jóhannes skírari og boðaði Guðsríki í Júdeu. Styðja sagnfræðingar frásögu Biblíunnar? Hugleiddu eftirfarandi:

•   Biblían segir: ‚Jóhannes skírari kom og boðaði í óbyggðum Júdeu: „Iðrist því að himnaríki er í nánd.“‘ (Matt. 3:1, 2) Staðfesta veraldlegar heimildir þetta? Já.

   Sagnaritarinn Flavíus Jósefus, sem var uppi á fyrstu öld, lýsti manni að nafni „Jóhannes, með viðurnefnið skírari,“ sem „hvatti Gyðinga til að lifa réttlátu lífi,“ til að iðka „guðrækni“ og „láta skírast“. – Jewish Antiquities, 18. bindi.

•   Biblían greinir frá því að Jóhannes hafi ávítað Heródes Antípas, héraðsstjóra í Galíleu og Pereu. Heródes var að nafninu til Gyðingur sem sagðist fara eftir Móselögunum. Jóhannes gagnrýndi Heródes sem kvæntist Heródíasi, eiginkonu hálfbróður síns. (Markús 6:18) Einnig er minnst á þetta í veraldlegum heimildum.

   Jósefus sagnritari sagði að Antípas „hafi orðið ástfanginn að Heródíasi“ og „blygðunarlaust beðið hana að kvænast sér“. Heródías samþykkti það og yfirgaf eiginmann sinn til að giftast Antípasi.

•   Í Biblíunni segir: „Fólk frá Jerúsalem, allri Júdeu og öllu svæðinu kringum Jórdan kom til [Jóhannesar]. Það játaði syndir sínar opinberlega og hann skírði það í ánni Jórdan.“ – Matteus 3:5, 6.

   Jósefus styður þetta og skrifar að fólk hafi komið „í hópum“ til að sjá Jóhannes og að „ræður hans hafi haft mikil áhrif á það“.

 Jósefus sagnritari á fyrstu öld var greinilega viss um að Jóhannes skírari hafi verið raunveruleg persóna. Við getum líka verið það.