Mabalinyo nga i-enable ti Watchtower Library tapno automatiko a makitayo dagiti update online, wenno mabalinyo nga i-update a manomano dagiti publikasion ken artikulo iti Watchtower Library babaen ti panangusaryo iti update package file.

Surotenyo dagitoy nga addang tapno makita ti Watchtower Library no adda update kadagiti baro a publikasion ken artikulo.

1. Iti Watchtower Library, i-click ti menu a Library, sa i-click ti Properties tapno aglukat ti window a Properties Para iti Library.

2. Iti window a Properties Para iti Library, i-click ti tab nga Updates, sa i-check ti kahon nga Automatiko nga i-download dagiti update.

3. No adda update online, adda makita a mensahe a mangsaludsod no kayatmo nga i-download. I-click ti Wen tapno ma-download ti update iti Watchtower Library.

Mabalinyo nga i-update a manomano ti Watchtower Library babaen ti panangusaryo iti update package file. Tapno maalayo ti kabaruan nga update package, i-export-yo dayta manipud iti kabaruan a na-install a Watchtower Library wenno i-download-yo dayta babaen ti panangi-click-yo iti button iti daytoy a panid.

I-export ti Update Package

Mangaramidkayo iti update package file babaen ti panangsurotyo kadagiti sumaganad nga addang:

1. Iti Watchtower Library, i-click ti menu a Tulong, sa i-click ti Manomano nga I-update ti Package ken Mangaramid iti Package.

2. Pilienyo ti lokasion a pangikabilanyo iti kompiuteryo iti update package file, sa i-click ti button nga I-save. Mangaramid ti Watchtower Library iti update package file nga agngudo iti “.updatepkg”.

I-download ti Update Package

I-click ti button iti baba tapno makitayo no adda update ti Watchtower Library iti lengguaheyo. No adda, surotenyo ti agsasaruno nga addang tapno mai-save-yo ti file iti kompiuteryo.

Tapno manomano a ma-update ti Watchtower Library babaen ti panangusar iti update package, surotenyo dagiti sumaganad nga addang:

1. Iti Watchtower Library, i-click ti menu a Tulong, sa i-click ti Manomano nga I-update ti Package ken I-apply ti Package.

2. Iti aglukat a File Explorer, i-navigate ti file nga agngudo iti “.updatepkg”. Pilien ti file ken i-click ti button a Luktan tapno mai-apply dagiti update iti Watchtower Library.