JW LIBRARY
I-download ken Urnosen Dagiti Publikasion—iOS
Nagadu ti libro, broshur, tract, ken video a mai-download-mo iti JW Library. Mabalinmo a basaen ken adalen dagita uray offline-kan.
Surotem dagitoy nga instruksion tapno mai-download ken maurnosmo dagiti publikasion:
Ag-download iti Publikasion
Mabalinmo ti ag-download kadagiti publikasion a kayatmo a basaen ken adalen uray offline-kan.
I-tap-mo ti Publications tab tapno makitam dagiti publikasion.
I-tap-mo ti Languages button tapno makitam dagiti lengguahe nga addaan kadagiti mai-download a publikasion. Piliem ti lengguahe a kayatmo. Dagiti lengguahe a kanayonmo nga us-usaren ti umun-una iti listaan. Mabalinmo met nga i-type ti lengguahe a birbirokem.
Nagduduma ti pamay-an a panagbirok kadagiti publikasion iti JW Library.
Iti By Type section, nagrupo dagiti publikasion iti lengguahe a pinilim depende iti klasena, kas iti Books, Tracts, wenno Videos. Dadduma kadagita ti addaan iti babbabassit pay a grupo, kas iti Watchtower a nagrupo sigun iti tawen wenno video a nagrupo sigun iti kategoriana. I-tap-mo ti All Types tapno makasublika.
Makitam iti What’s New section dagiti kairuruar a publikasion iti lengguahe a pinilim.
Dagiti publikasion a dimo pay nai-download ket addaan iti cloud icon. I-tap-mo ti publikasion tapno mai-download. No nai-download-mon, mapukawen ti cloud icon. I-tap-mo manen ti publikasion tapno mabasam.
Makitam iti Downloaded section dagiti publikasion a nai-download iti aniaman a lengguahe. Maurnosmo dagitoy iti Title, Frequently Used, Rarely Used, wenno Largest Size.
Ag-delete iti Publikasion
Mabalinmo nga i-delete ti publikasion no saanmon a kasapulan wenno kayatmo a maksayan ti karga ti storage ti device-mo.
I-tap-mo ti Publications tab, sa ti klase ti publikasion (kas pagarigan, Books) tapno makitam ti listaan dagiti publikasion. I-tap-mo ti Select button, sa ti publikasion a kayatmo nga i-delete. Mabalinmo met a talmegan a nabayag ti maysa a publikasion tapno mapilim. I-tap-mo ti Delete button, sa i-tap-mo ti mensahe nga agparang.
No masapul nga agkissayka iti karga ti storage, mabalinmo nga i-delete dagiti publikasion a manmanom nga usaren wenno dakkel ti size-na. I-tap-mo ti Publications tab, mapanka iti Downloaded section, sa urnosem iti Rarely Used wenno Largest Size. I-delete-mo dagiti publikasion a saanmon a kasapulan.
Ag-update iti Publikasion
No dadduma, adda update ti publikasion a nai-download-mo.
No adda update ti maysa a publikasion, adda makitam a refresh icon. No i-tap-mo ti publikasion, adda mensahe a mangibaga a mabalinmo nga i-update. I-tap-mo ti Download tapno ma-update, wenno Later tapno mabasam latta ti bersion a nai-download-mon.
Tapno makitam no adda update dagiti in-download-mo a publikasion, i-tap-mo ti Publications tab. No adda update, agparang ti Pending Updates section. I-tap-mo tapno makitam dagiti update. I-tap-mo ti publikasion tapno ma-update, wenno i-tap-mo ti Update All button tapno ma-update amin.
Nairuar dagitoy a feature idi Pebrero 2015 iti JW Library 1.4, a compatible iti iOS 6.0 wenno barbaro a bersion. No saanmo a makita dagitoy a feature, surotem dagiti instruksion iti artikulo a “No Kasano nga Usaren ti JW Library—iOS,” iti paset a Kanayon nga Ag-update.
