Adda Kadi Pelikula, Libro, Wenno Kanta nga Iparparit Dagiti Saksi ni Jehova?
Awan. Saan a reprepasuen ti organisasionmi dagiti espesipiko a pelikula, libro, wenno kanta sa agdesisionda no ania dagiti liklikanmi. Apay?
Iparparegta ti Biblia a sanayen ti tunggal indibidual ti ‘pannakabalin ti pannakaawatna’ tapno mailasinna ti umiso ken di umiso.—Hebreo 5:14.
Nangipaay ti Kasuratan kadagiti pamunganayan a prinsipio a makatulong iti maysa a Kristiano iti panangpili iti paglinglingayan. a Iti amin nga aspeto ti biagtayo, kalattayo nga ‘itultuloy a siguraduen no ania ti makaay-ayo iti Apo.’—Efeso 5:10.
Isursuro ti Biblia a dagiti ulo ti pamilia ket addaan iti autoridad a mangpili no ania a paglinglingayan ti ipalubosna para iti pamiliana. (1 Corinto 11:3; Efeso 6:1-4) Ngem iti ruar ti pamilia, awan ti karbengan ti asinoman a mangikeddeng no ania a pelikula, kanta, wenno artista ti liklikan dagiti Saksi.—Galacia 6:5.
a Kas pagarigan, kondenaren ti Biblia ti aniaman a mangitandudo iti espiritismo, seksual nga imoralidad, wenno kinaranggas.—Deuteronomio 18:10-13; Efeso 5:3; Colosas 3:8.
Baka Kayatmo Met ti
SALUDSOD DAGITI AGTUTUBO
Importante Kadi no Ania a Kanta ti Piliek?
Adda puersa ti musika, isu nga ammuem no kasanoka nga agbalin a naannad iti panagpilim iti kanta a denggem.
PANNURSURO TI BIBLIA
Padasem ti Panagadal iti Biblia
Padasem ti libre a panagadal iti Biblia nga adda tumulong kenka.