Naaramid daytoy a website tapno tumulong kenka a mangadal iti ad-adu pay maipapan iti Dios, iti Biblia, ken kadagiti Saksi ni Jehova. Basaem, buyaem, ken i-download-mo dagiti linaonna a paginteresam. Kayatmi met a makatulong ti website-mi iti sabsabali, ngem pangngaasim ta dimo kopkopiaen dagiti linaonna iti sabali a website wenno application. Mabalinmo nga ipakaammo iti sabsabali dagiti naadalmo babaen iti panangiturongmo kadakuada iti daytoy a website kas naibinsabinsa iti Pagannurotan iti Panagusar iti baba.

•  Copyright

•  Legal a Simbolo

•  Pagannurotan iti Panagusar ken Pammalubos iti Panangusar iti Website

•  Seksion ti Medikal

•  Saan a Panangbigbig Kadagiti Warranty ken ti Limitasion ti Sungsungbatan

•  Panangsalungasing Kadagiti Pagannurotan iti Panagusar

•  Panagbalbaliw

•  Linteg ken Hurisdiksion

•  Pannakabingbingay Dagiti Probision

•  Intero a Katulagan

© 2024 Watch Tower Bible and Tract Society of Pennsylvania, Inc. All rights reserved.

Daytoy a website ket impablaak ken manmanteneren ti Watchtower Bible and Tract Society of New York, Inc. (“Watchtower”). Malaksid no adda sabali a nadakamat, ti amin nga impormasion nga adda iti daytoy a website ket kukua (intellectual property) ti Watchtower Bible and Tract Society of Pennsylvania (“Watch Tower”).

Ti Adobe, logo ti Adobe, Acrobat, ken logo ti Acrobat ket legal a simbolo ti Adobe Systems Incorporated. Ti iTunes ken iPod ket legal a simbolo ti Apple Inc. Ti Microsoft, logo ti Microsoft, kasta met dagiti nagan ti aniaman a software ken produkto ti Microsoft, a pakairamanan ti Microsoft Office ken Microsoft Office 365, ket legal a simbolo ti Microsoft Inc. Amin a legal a simbolo ken dadduma pay a rehistrado a simbolo ket kukua dagiti kompania nga agik-ikut kadagita.

Dagiti Pagannurotan iti Panagusar ti mangiwanwan iti panangusarmo iti daytoy a website. No usarem daytoy a website, kayatna a sawen a naan-anay nga umanamongka kadagiti Pagannurotan iti Panagusar, kasta met ti Kanayonan a Pagannurotan iti Panagusar (maawagan amin dagitoy iti “Pagannurotan iti Panagusar”) a naibinsabinsa iti daytoy a website. No saanka nga umanamong kadagitoy a Pagannurotan iti Panagusar wenno iti aniaman a pasetna, saanmo nga us-usaren daytoy a website.

Ania ti ramanen ti umiso a panagusar? Kas panangsurot kadagiti restriksion a naibinsabinsa iti baba, mabalinmo nga aramiden dagiti sumaganad:

• Luktan, i-download, ken i-print dagiti adda copyright-na nga artwork ti Watch Tower, elektroniko a publikasion, musika, ladawan, text, wenno video manipud iti daytoy a website ngem agpaay laeng kenka ken iti panggep a saan a panguartaan.

• I-share dagiti link wenno elektroniko a kopia dagiti mai-download a publikasion, video, wenno audio iti daytoy a site.

Saanmo a mabalin nga aramiden dagiti sumaganad:

• I-post iti Internet (aniaman a website, file-sharing site, wenno social network) dagiti artwork, elektroniko a publikasion, legal a simbolo, musika, ladawan, video, wenno artikulo manipud iti daytoy a website.

• Iwaras dagiti artwork, elektroniko a publikasion, legal a simbolo, musika, ladawan, text, wenno video manipud iti daytoy a website kas paset ti aniaman a software application (karaman ti panang-upload kadagiti kasta a material iti maysa a server a mausar para iti maysa a software application).

• I-reproduce, i-duplicate, kopiaen, wenno usaren ti aniaman nga artwork, elektroniko a publikasion, legal a simbolo, musika, ladawan, text, wenno video manipud iti daytoy a website tapno mailako wenno kas panguartaan (uray no awan ti ganansiam).

• Agaramid iti aniaman a maiwaras a software application, tool, wenno teknik a nairanta nga agkolekta, agkopia, agi-download, ag-extract, ag-harvest, wenno ag-scrape iti data, HTML, ladawan, wenno text manipud iti daytoy a site. (Saan nga iparit daytoy ti panangiwaras kadagiti libre ken saan a mailaklako nga application a nadisenio tapno agi-download kadagiti elektroniko a file kas iti EPUB, PDF, MP3, ken MP4 manipud kadagiti pangpubliko a paset daytoy a website.)

• Usaren ti website wenno dagiti services iti di umiso a pamay-an, kas iti pananglukat wenno panang-access iti website wenno kadagiti services daytoy a site babaen iti sabali a pamay-an a saan a nadakamat.

• Usaren daytoy a website iti aniaman a pamay-an a mabalin a mangdadael wenno manglapped iti pannaka-access daytoy a website; wenno usaren iti aniaman a pamay-an a maisalungasing iti linteg, illegal, sinasaur, wenno makadangran, wenno adda pakainaiganna iti aniaman a panggep wenno aktibidad a maisalungasing iti linteg, illegal, sinasaur, wenno makadangran.

• Usaren daytoy a website wenno ti aniaman a linaonna nga artwork, elektroniko a publikasion, legal a simbolo, musika, ladawan, text, wenno video iti aniaman a panggep nga adda pakainaiganna iti panaglako.

• Agus-usar daytoy a website kadagiti serbisio ti Google Maps, a maysa a third party service a saanmi a kontrolado. Ti panangusarmo iti Google Maps iti daytoy a website ket masapul a maitunos iti agdama a Google Maps/Google Earth Additional Terms of Service. Saankami a mapakaammuan kadagiti update iti Terms of Service isu a masapul nga irebiuyo dagita sakbay nga usarenyo dagiti serbisio ti Google Maps. Saanyo nga usaren dagiti serbisio ti Google Maps no saanyo nga akseptaren ti Terms of Service. Awan ti isubli ti Google Maps a user data iti daytoy a website..

Dagiti linaon ti seksion ti medikal daytoy a website (“Seksion ti Medikal”) ket agserbi laeng a pangalaan iti impormasion ken saan a maibilang kas medical advice, ken saan a nairanta daytoy a kasukat ti propesional a medical advice, diagnosis, wenno treatment. Ti Seksion ti Medikal ket saan a mangirekrekomenda wenno mangyen-endorso iti asinoman a doktor wenno aniaman nga espesipiko a test, produkto, pamay-an ti pannakaagas, opinion, wenno dadduma pay nga impormasion a mabalin a nadakamat iti Seksion ti Medikal.

Kanayon nga agkonsultaka iti maysa a doktor wenno sabali pay a kualipikado a health-care provider iti aniaman a saludsodmo maipapan iti maysa a sakit wenno panangagas.

Sigsiguraduen daytoy a website a husto ken kabaruan dagiti impormasion a linaon ti Seksion ti Medikal. Nupay kasta, dagiti impormasion a makitam iti Seksion ti Medikal ket maipaay nga awan ti warranty-na, nalawag man a naibaga wenno naipasimudaag. Saan a bigbigen daytoy a website ti aniaman a naibaga wenno naipasimudaag a warranty mainaig iti Seksion ti Medikal, a pakairamanan dagiti, ngem saan a limitado kadagiti, warranty ti merchantability ken fitness for a particular purpose. Awan ti warranty nga ipaay daytoy a website no maipapan iti kinamapagtalkan, kinaumiso, kinapraktikal, kinaepektibo wenno kinakompleto ti aniaman nga impormasion a ma-access babaen ti Seksion ti Medikal. Awan ti sungsungbatan daytoy a website iti aniaman a kamali wenno naikkat nga impormasion kadagiti linaon ti Seksion ti Medikal. Iti bukodmo a risgo no agtalekka iti aniaman nga impormasion nga adda iti Seksion ti Medikal. Nikaanoman, awan ti sungsungbatan daytoy a website nga aniaman a reklamo wenno perhuisio (a pakairamanan dagiti, ngem saan a limitado kadagiti, incidental ken consequential damage, personal injury/wrongful death, pannakalugi, wenno perhuisio gapu iti pannakapukaw dagiti data wenno pannakasinga ti operasion ti negosio) gapu iti panangusar wenno saan a pannaka-access ti Seksion ti Medikal, naibatay man dagita a reklamo wenno danios iti warranty, kontrata, tort, wenno aniaman a legal a rason, ken naabisuan man wenno saan daytoy a website maipapan iti posibilidad dagiti kasta a reklamo wenno perhuisio.

Daytoy a website ken amin nga impormasion, linaon, material, ken dadduma pay a serbisio a mabalinmo a ma-access babaen daytoy a website ket impaay a mismo ti Watchtower. Awan ti aniaman nga ipaspasigurado wenno ipaay a warranty ti Watchtower, naibaga man wenno naipasimudaag.

Saan nga ipaspasigurado ti Watchtower nga awan ti virus wenno dadduma pay a delikado a linaon ti website. Saan a manungsungbat ti Watchtower iti aniaman a klase ti perhuisio maigapu iti panangusar iti aniaman a serbisio, wenno aniaman nga impormasion, linaon, material, wenno dadduma pay a serbisio a ma-access-mo babaen daytoy a website, a pakairaman dagiti, ngem saan a limitado kadagiti, direct, indirect, incidental, punitive, ken consequential (agraman ti pannakalugi) damages wenno perhuisio.

Malaksid kadagiti dadduma pay a kalintegan ti Watchtower a nailanad iti daytoy a Pagannurotan iti Panagusar, no salungasingem dagitoy a Pagannurotan iti Panagusar iti aniaman a pamay-an, mabalin nga aramiden ti Watchtower ti ibilangna a maitutop a panangtaming iti panaglabsing, a pakairamanan ti panangsuspende iti pananglukatmo iti daytoy a website, panangiparit kenka a manglukat iti daytoy a website, pananglapped kadagiti kompiuter a mangus-usar iti IP address-mo a manglukat iti daytoy a website, panangkontak iti Internet service provider-mo tapno lapdanna ti pananglukatmo iti daytoy a website ken/wenno panangidarum kenka.

Mabalin a sagpaminsan a baliwan ti Watchtower dagitoy a Pagannurotan iti Panagusar. Mangrugi a maipatungpal ti rebisado a Pagannurotan iti Panagusar iti daytoy a website iti petsa a maipablaak iti daytoy a website ti rebisado a Pagannurotan iti Panagusar. Pangngaasim ta regular a kitaem daytoy a page tapno sigurado nga ammom ti kaudian a bersionna.

Dagiti linteg ti State of New York, U.S.A. ti mangiwanwan ken masurot iti panangtarus kadagitoy a Pagannurotan iti Panagusar, uray adda dagiti probision ti conflict of laws. Ti aniaman a legal nga aksion mainaig kadagitoy a Pagannurotan iti Panagusar ket rumbeng a maidatag iti maysa nga state wenno federal court a makinsakup iti State of New York, U.S.A.

No ti korte nga addaan iti autoridad ikeddengna a ti maysa a probision iti daytoy a Pagannurotan iti Panagusar ket awan pategna, saan a balido, saan a maipatungpal, wenno illegal, agtultuloy latta a maipatungpal ti dadduma pay a probisionna. No saan a maipatungpal ti Watchtower ti aniaman a probision iti daytoy a Pagannurotan iti Panagusar, dina kayat a sawen a saanto pulosen a maipatungpal dayta wenno awanen ti kalintegan ti Watchtower a mangipatungpal iti dayta a probision.

Dagitoy a Pagannurotan iti Panagusar ket agserbi a kompleto a katulagan iti nagbaetam ken iti Watchtower mainaig iti panangusarmo iti daytoy a website, ken daytoy ti kasukat ti amin nga immuna a katulagan mainaig iti panangusarmo iti daytoy a website.