Iti intero a lubong, maminsan iti kada tawen nga agkakadua dagiti Saksi ni Jehova ken dagiti minilion a bisitada tapno selebraranda ti Memorial ti ipapatay ni Jesus, kas iti imbilinna. (Lucas 22:19) Makatulong daytoy nga okasion tapno maapresiartayo ti kinapateg ti inaramid ni Jesus idi intedna ti biagna para iti amin a tattao. Ipakita met dayta no kasano a pagsayaatantayo ita ken iti masanguanan ti sakripisiona.—Juan 3:16.

 Makaatenderka man iti Memorial ita a tawen wenno saan, kasano a pagsayaatam ti ipapatay ni Jesus? Adda dua nga importante a banag nga insuro ni Jesus a masapul nga aramidentayo:

1.  1. Ammuem ti maipapan iti Dios ken ni Jesus. Iti kararag ni Jesus iti nailangitan nga Amana, imbagana: “Maaddaanto iti biag nga agnanayon dagidiay mangam-ammo kenka, ti maymaysa a pudno a Dios, ken ti imbaonmo, ni Jesu-Kristo.”—Juan 17:3.

2.  2. Iyaplikarmo dagiti nasursurom. Imbaga ni Jesus a masapul nga iyaplikartayo dagiti pannursurona. Kas pagarigan, iti popular a Sermon iti Bantay kinomendaranna ti asinoman a ‘dumngeg kadagiti imbagana ken mangtungpal kadagita.’ (Lucas 6:46-48) Imbagana pay iti sabali nga okasion: “Ita ta ammoyon dagitoy, naragsakkayo no aramidenyo.”—Juan 13:17.

 Kayatmo kadi a mas maam-ammo pay ti Dios ken ni Jesus? Kasapulam kadi ti tulong tapno mayaplikarmo dagiti nasursurom? Dagitoy ti dadduma a pamay-an a makatulong kenka.

 Adun a tattao ti natulongan ti programami a libre ken interactive a panagadal iti Biblia. Naammuanda ti isursuro ti Biblia ken no kasano a mayaplikarda dagita.

•   Kitaem ti page a Panagadal iti Biblia nga Adda Tumulong Kenka tapno maammuam ti ad-adu pay maipapan iti daytoy a programa.

•   Buyaem ti video a Welcome iti Panagadalmo iti Biblia tapno makitam no kasano ti panagadal iti Biblia a kadua dagiti Saksi ni Jehova.

 Mamindua iti makalawas nga agkakadua dagiti Saksi ni Jehova iti lugar a pagdaydayawanda a maawagan iti Kingdom Hall. Kadagitoy a gimong, pagsasaritaanmi ti Biblia ken no kasanomi a mayaplikar dagiti pannursurona.

 Maawis ti amin kadagitoy a gimong; uray dagiti saan a Saksi. Depende iti situasion iti lugaryo, mabalinmo ti umatender iti face-to-face wenno babaen ti videoconference.

•   Buyaem ti video nga Ania ti Maar-aramid iti Kingdom Hall? tapno adda ideyam no ania ti ekspektarem kadagitoy a gimong.

•   Bisitaem ti page a Dagiti Gimong ti Kongregasion Dagiti Saksi ni Jehova tapno mabirokam ti paggimongan a kaasitgan kenka.

 Makatulong ti adu nga artikulo ken video iti daytoy a website tapno maammuam ti ad-adu pay maipapan kadagiti pannursuro ni Jesus ken ti kinapateg ti ipapatayna.

 Kas pagarigan, tapno maammuam no kasano a pagsayaatan ti minilion a tattao ti ipapatay ti maysa a tao, basaem dagiti artikulo a “Kasano a Mangisalakan ni Jesus?” ken “Apay a Nagsagaba ken Natay ni Jesus?” wenno buyaem ti video nga Apay a Natay ni Jesus?