MAPASARDENGTAYO TI PANAGWARAS TI GURA
1 | Saanka a Mangidumduma
Pannursuro ti Biblia:
“Saan a mangidumduma ti Dios, no di ket awatenna ti [amin] iti tunggal nasion nga agbuteng kenkuana ken agaramid iti umiso.”—ARAMID 10:34, 35.
Ti Kaipapananna:
Saannatayo a hushusgaran ni Jehova * a Dios base iti naggapuantayo a nasion, puli, kolor ti kudil, wenno kultura. Imbes ketdi, ti kitkitaenna ket no ania a talaga ti mas importante—ti kinataotayo. Ibagbaga met ti Biblia a “dagiti laeng makita ti mata ti kitkitaen ti tao, ngem ti puso ti kitkitaen ni Jehova.”—1 Samuel 16:7.
Ti Maaramidam:
Uray saantayo a mabasa ti puso, kayatayo a tuladen ti saan a panangidumduma ti Dios. Kitaentayo dagiti tattao kas indibidual saan a kas grupo. No madlawmo a negatibon ti panagriknam iti dadduma a tattao—mabalin a gapu ta sabali ti pulida wenno naggapuda iti sabali a nasion—ikararagmo iti Dios ken agpatulongka a mangparut iti dayta a rikna. (Salmo 139:23, 24) Tapno saanka nga agbalin a manangidumduma, amin-puso nga agpatulongka ken Jehova, ket makasiguradoka a denggenna ti kararagmo ken tulongannaka.—1 Pedro 3:12.
^ par. 6 Jehova ti nagan ti Dios.—Salmo 83:18.
“Idik la a napadasan ti nakikadua ken nakipangan pay ketdi iti maysa a puraw a kabsat . . . Ita, pasetakon iti pudpudno a sangalubongan a panagkakabsat.”—TITUS
Baka Kayatmo Met ti
TI PAGWANAWANAN
“Saan a Mangidumduma” ni Jehova
Denggen ti Dios ti kararag dagiti adipenna aniaman ti puli, nasion, wenno kasasaadda. Kasanotayo nga ammo dayta?
AGRIINGKAYO!
Ania ti Kuna ti Biblia Maipapan iti Panangidumduma iti Puli?
Agpapada kadi ti amin a puli? Agpatingganto pay ngata ti panangidumduma iti puli?
AGRIINGKAYO!
Panangidumduma—Nakaptanka Kadi?
Ania dagiti pakakitaan a mabalin a manangidumdumatayo?
