NADISENIO KADI?
Ti Payak ti Kulibangbang
NAKARASRASI dagiti payak ti kulibangbang. Marigatanen a tumayab uray matapukan la bassit wenno matedtedan iti linnaaw. Ngem nadalus ken namaga latta dagiti payakna. Ania ti sekretona?
Ti payak ti kulibangbang ket addaan iti nagbabassit nga agrurutap a siksik
Usigem: Ti Giant Blue Morpho butterfly (Morpho didius) ket ad-adalen dagiti managsirarak iti Ohio State University. Natakuatanda nga uray kasla nalamuyot dagiti payak dayta a kulibangbang, ti rabawna ket nakalupkopan iti nagbabassit nga agrurutap a siksik nga umasping kadagiti baldosa (tiles) ti atep. Gapu pay ketdi kadagiti babbabassit nga agbabatog a likkaong iti rabaw dagiti siksikna, nalaka nga agayus dagiti tedted ti danum wenno maregreg ti rugit. Ikagkagumaan dagiti inheniero a tuladen ti rabaw dagiti payak tapno makaaramidda kadagiti de kalidad a pagkalupkop kadagiti alikamen iti industria ken medisina a di mastrek ti rugit ken danum.
Ti payak ti kulibangbang ket maysa manen a pagarigan no kasano nga ikagkagumaan ti siensia a tuladen dagiti disenio a makita kadagiti sibibiag a banag. Kuna ti managsirarak a ni Bharat Bhushan: “Ti nakaparsuaan ket napno kadagiti pagsidsiddaawan a disenio, manipud bassiusit agingga iti kadakkelan, a ginasut a tawenen a mangmangted iti inspirasion kadagiti tattao.”
Ania ti makunam? Babaen kadi iti ebolusion a timmaud ti payak ti kulibangbang? Wenno nadisenio dayta?
Baka Kayatmo Met ti
AGRIINGKAYO!
Ti Sukog Dagiti Shell iti Baybay
Ti sukog ken estruktura ti shell iti baybay ket agserbi a proteksion iti mollusk nga aggigian iti unegna.
AGRIINGKAYO!
Ti Nasilap a Kolor ti Pollia Berry
Awan ti blue pigment ti Pollia berry ngem addaan daytoy iti kararaniagan nga asul a kolor a nakita iti mula. Ania ti sekreto ti nasilap nga asul a kolorna?
AGRIINGKAYO!
Ti Napuskol a Dutdot ti Sea Otter
Dadduma a mamalia nga aggigian iti danum ti agpannuray iti napuskol a tabada a panglaban iti lamiis. Ngem sabali ti us-usaren ti sea otter.
AGRIINGKAYO!
Ti Panaglanding ti Uyokan
Apay a nagsayaat nga usaren ti estratehiana kadagiti sistema ti panangiturong kadagiti agtaytayab a robot?
AGRIINGKAYO!
Nagpaiduma a Panglaban iti Pudot ti Maysa a Klase ti Kuton
Daytoy a kuton ket maysa kadagiti pagaammo nga animal a kaanduran iti pudot. Apay a maanduranna ti nakapudpudot unay a temperatura?
AGRIINGKAYO!
Ti Pagkapet ti Tahong
Kumpet a naimbag ti tahong babaen iti byssus thread. Makatulong ti panangadal iti dayta tapno makabirok kadagiti baro ken mas epektibo a pamay-an iti panangikapet kadagiti alikamen kadagiti patakder, wenno kadagiti pennet iti tultulang.
