Ipakita ti Ayat
Ti Problema
Saan a maikkat a dagus ti marikriknatayo a panangidumduma. Mayarig dayta iti virus nga agkasapulan iti panawen ken panangikagumaan tapno mapatay. Ania ti aramidem tapno maikkatmo ti panangidumduma?
Prinsipio ti Biblia
“Ikawesyo ti ayat, ta dayta ket perpekto a singgalut ti panagkaykaysa.”—COLOSAS 3:14.
Ania ti kaipapananna? Suminged dagiti tattao iti maysa ken maysa no agaramidda iti nasayaat. No ad-adda nga ipakitam ti ayat iti sabsabali, maksayan ti panangidumdumam. No punnuem ti pusom iti ayat, awanen ti paglugaran ti gura.
Ti Mabalinmo nga Aramiden
No negatibo idi ti panangmatmatmo kadagiti tattao iti maysa a grupo, mangpanunotka iti espesipiko a pamay-an a maipakitam ti ayatmo kadakuada, uray babassit a banag laeng. Padasem ti maysa wenno ad-adu pay kadagitoy:
Tunggal mangipakitaka iti ayat, in-inut a maikkat ti panangidumdumam
Ipakitaam ida iti kinaimbag babaen ti panangilukatmo iti ridaw wenno itedmo ti tugawmo kadakuada kadagiti pangpubliko a transportasion.
Makisaritaka kadakuada uray marigatanda nga agsao iti lengguahem.
Pagpasensiaam ida no saanmo a maawatan ti ar-aramidenda.
Dumngegka a naimbag no agiyebkasda iti problemada.
Baka Kayatmo Met ti
AGRIINGKAYO!
Giya Para iti Natalna a Relasion
Ania dagiti kualidad a makatulong kadatayo a mangtaginayon iti natalna a relasion iti sabsabali?
