Dagiti Leksion a Masursurom iti Biblia
Mabasam iti daytoy a publikasion ti pakasaritaan ti tao manipud iti panamarsua agingga iti pannakayanak ken ministerio ni Jesus ken iti iyaay ti Pagarian kas naisalaysay iti Biblia.
Surat ti Bagi a Manarawidwid
Kasano a mausar daytoy a libro?
LEKSION 1
Inaramid ti Dios ti Langit ken ti Daga
Ibaga ti Biblia nga inaramid ti Dios ti langit ken ti daga. Apay a nangparsua nga umuna ti Dios iti maysa nga anghel sakbay nga inaramidna ti amin?
LEKSION 2
Inaramid ti Dios ti Umuna a Lalaki ken Babai
Inaramid ti Dios ti umuna a lalaki ken babai ken pinagyanna ida iti hardin ti Eden. Kayatna a maaddaanda iti annak ken pagbalinenda a paraiso ti intero a daga.
LEKSION 3
Nagsukir da Adan ken Eva iti Dios
Apay a naidumduma ti maysa a kayo iti hardin ti Eden? Apay a nangan ni Eva iti bunga dayta a kayo?
LEKSION 4
Pimmatay Gapu iti Gura
Inawat ti Dios ti daton ni Abel ngem dina inawat ti daton ni Cain. Idi naammuan dayta ni Cain, nakapungtot ket nakaaramid iti dakes.
LEKSION 5
Ti Daong ni Noe
Idi nangasawa dagiti dakes nga anghel kadagiti babbai ditoy daga, naaddaanda kadagiti higante nga annak. Napno ti daga iti kinaranggas. Ngem naiduma ni Noe ta natulnog ken ay-ayatenna ti Dios.
LEKSION 6
Walo ti Naisalakan iti Layus
Nagtudo iti 40 nga aldaw ken 40 a rabii ket naglayus. Nagyan ni Noe ken ti pamiliana iti daong iti nasurok a makatawen. Idi kuan, mabalindan ti rummuar.
LEKSION 7
Ti Torre ti Babel
Nangibangon dagiti tattao iti torre a dumanon idiay langit. Apay a pinagduduma ti Dios ti lengguaheda?
LEKSION 8
Nagtulnog da Abraham ken Sara iti Dios
Apay a pinanawan da Abraham ken Sara ti biagda iti siudad ket naggigianda kadagiti tolda iti daga ti Canaan?
LEKSION 9
Naaddaanda Met Laengen iti Anak a Lalaki!
Kasano a tungpalen ti Dios ti karina ken Abraham? Asino kadagiti annakna ti pakaitungpalanna dayta—ni Isaac wenno ni Ismael?
LEKSION 10
Laglagipem ti Asawa ni Lot
Pinagtudo ti Dios iti apuy ken asupre iti Sodoma ken Gomorra. Apay a nadadael dagita a siudad? Apay a masapul a laglagipentayo ti asawa ni Lot?
LEKSION 11
Nasubok ti Pammatina
Kinuna ti Dios ken Abraham: ‘Pangngaasim, itugotmo ti kakaisuna nga anakmo ket idatonmo iti bantay nga adda iti Moria.’ Kasano a sanguen ni Abraham daytoy a pannubok?
LEKSION 12
Naala ni Jacob ti Tawid
Adda singin nga annak a lallaki da Isaac ken Rebecca. Gapu ta ni Esau ti inauna, isu koma ti makaala iti tawid. Apay nga insukatna dayta iti sangamalukong a makan?
LEKSION 13
Nagkappia da Esau ken Jacob
Apay a nakigabbo ni Jacob iti anghel? Ken kasano a nakikappia ni Jacob ken Esau?
LEKSION 14
Maysa nga Adipen a Nagtulnog iti Dios
Inaramid ni Jose ti umiso ngem naipasango latta iti nakaro a rigat. Apay?
LEKSION 15
Saan a Linipatan ni Jehova ni Jose
Uray adayo ni Jose iti pamiliana, tinulongan isuna ti Dios.
LEKSION 17
Pinili ni Moises ti Agdayaw ken Jehova
Naisalakan ti ubing a ni Moises gapu iti nagsayaat a plano ni nanangna.
LEKSION 19
Ti Umuna a Tallo a Didigra
Gapu ta saan a nagtulnog ti natangsit a ni Faraon, nadidigra dagiti tattaona.
LEKSION 20
Ti Simmaruno nga Innem a Didigra
Ania ti nakaidumaan dagitoy a didigra iti umuna a tallo a didigra?
LEKSION 21
Ti Maikasangapulo a Didigra
Nakaro daytoy a didigra nga uray la simmuko ti natangsit a ni Faraon.
LEKSION 22
Ti Milagro iti Nalabaga a Baybay
Nalasatan ni Faraon ti sangapulo a didigra, ngem nalasatanna ngata daytoy a milagro ti Dios?
LEKSION 23
Nagkari Dagiti Israelita ken Jehova
Nagkari dagiti Israelita iti Dios idi addada idiay Bantay Sinai.
LEKSION 24
Saanda a Tinungpal ti Karida
Bayat nga it-ited ti Dios ken Moises ti Sangapulo a Bilin, agbasbasol dagiti Israelita.
LEKSION 25
Ti Tabernakulo a Pagdaydayawan
Daytoy nga espesial a tolda ti nakaikabilan ti lakasa ti tulag.
LEKSION 26
Ti Sangapulo ket Dua nga Espia
Naiduma da Josue ken Caleb iti sangapulo a kakaduada a nagespia iti daga ti Canaan.
LEKSION 27
Nagrebeldeda ken Jehova
Saan a nabigbig da Kore, Datan, Abiram, ken ti 250 a kakaduada ti maysa a napateg a kinapudno maipapan ken Jehova.
LEKSION 29
Pinili ni Jehova ni Josue
Nangted ti Dios ken Josue iti instruksion a makatulong met ita kadatayo.
LEKSION 30
Inlemmeng ni Rahab Dagiti Espia
Narba dagiti pader ti Jerico. Ngem saan a nadadael ti balay ni Rahab uray no adda dayta iti pader.
LEKSION 31
Ni Josue ken Dagiti Gabaonita
Inkararag ni Josue iti Dios a saan koma nga aggaraw ti init. Sinungbatan ngata ti Dios?
LEKSION 32
Ti Baro a Lider ken ti Dua a Natured a Babbai
Idi natayen ni Josue, nagdaydayawen dagiti Israelita kadagiti imahen. Rimmigat ti biagda, ngem tinulongan ida ti Dios babaen ken Ukom Barak, ti propeta a ni Debora, ken ni Jael.
LEKSION 33
Da Ruth ken Noemi
Nagsubli ti dua a balo a babbai idiay Israel. Ni Ruth a maysa kadagiti babbai ket napan nagtrabaho iti talon. Nakita isuna ni Boaz sadiay.
LEKSION 34
Inabak ni Gideon Dagiti Midianita
Idi pinarigat dagiti Midianita ti Israel, nagpatulongda ken Jehova. Kasano nga inabak ni Gideon ken ti kakaduana ti 135,000 a kalabanda uray bassitda laeng?
LEKSION 35
Inkararag ni Anna a Maaddaan iti Anak a Lalaki
Intugot ni Elcana da Anna, Penina, ken ti pamiliana iti tabernakulo idiay Silo tapno agdaydayaw. Inkararag ni Anna a maaddaan iti anak. Kalpasan ti makatawen, inyanakna ni Samuel!
LEKSION 36
Ti Kari ni Jefte
Ania ti inkari ni Jefte, ken apay? Ania ti reaksion ti balasang ni Jefte iti kari ni amana?
LEKSION 37
Nakisarita ni Jehova ken Samuel
Nagserbi kas padi iti tabernakulo ti dua nga annak ti nangato a padi a ni Eli, ngem sinukirda dagiti linteg ti Dios. Naiduma ti ubing a ni Samuel. Nakisarita ni Jehova kenkuana.
LEKSION 38
Pinagbalin ni Jehova a Napigsa ni Samson
Pinagbalin ti Dios a napigsa ni Samson tapno maabakna dagiti Filisteo, ngem idi kamali ti nagbalin a desisionna, tiniliw dagiti Filisteo.
LEKSION 39
Ti Umuna nga Ari ti Israel
Inikkan ti Dios ti Israel kadagiti ukom a mangidaulo kadakuada, ngem kayatda ti maaddaan iti ari. Dinutokan ni Samuel ni Saul kas umuna nga ari, ngem idi agangay, inlaksid ni Jehova. Apay?
LEKSION 40
Ni David ken ni Goliat
Pinili ni Jehova ni David nga agbalin a sumaruno nga ari ti Israel, ket impakita ni David nga isu ket maikari iti dayta.
LEKSION 42
Ti Natured ken Matalek a ni Jonatan
Nagbalin a nadekket a gayyem ni David ti anak ti ari.
LEKSION 44
Templo Para ken Jehova
Inted ti Dios ti kiddaw ni Ari Solomon ket inikkanna kadagiti nagsayaat a pribilehio.
LEKSION 49
Nadusa ti Nakadakdakes a Reyna
Implano ni Jezebel a patayen ni Nabot tapno maagawna ti kaubasanna! Nakita ni Jehova ti kinadakesna.
LEKSION 50
Prinotektaran ni Jehova ni Jehosafat
Nagpatulong ni Ari Jehosafat iti Dios idi rauten dagiti kalaban a nasion ti Juda.
LEKSION 51
Ti Mannakigubat ken ti Balasitang
Imbaga ti balasitang nga Israelita iti amona ti maipapan iti nakaskasdaaw a pannakabalin ni Jehova.
LEKSION 52
Dagiti Kabalio ken Umap-apuy a Karuahe ni Jehova
No kasano a nakita ti katulongan ni Eliseo nga ad-adu ti kakaduada ngem iti kakadua dagiti kalabanda.
LEKSION 54
Nakaan-anus ni Jehova ken Jonas
Apay a tinilmon ti dakkel nga ikan ti maysa a propeta ti Dios? Kasano a nakaruar? Ania a leksion ti insuro ni Jehova kenkuana?
LEKSION 55
Prinotektaran ti Anghel ni Jehova ni Ezekias
Ibagbaga dagiti kalaban ti Juda a saan a protektaran ni Jehova dagiti adipenna, ngem kamalida!
LEKSION 56
Impateg ni Josias ti Linteg ti Dios
Nagbalin nga ari ni Josias idi walo ti tawenna, ket tinulonganna dagiti tattao nga agdayaw ken Jehova.
LEKSION 57
Imbaon ni Jehova ni Jeremias a Mangasaba
Nakapungtot dagiti lallakay ti Juda iti imbaga daytoy nga agtutubo a propeta.
LEKSION 58
Nadadael ti Jerusalem
Binaybay-an ni Jehova dagiti taga-Juda gapu ta nagdaydayawda kadagiti ulbod a dios.
LEKSION 59
Uppat nga Agtutubo a Nagtulnog ken Jehova
Determinado dagiti agtutubo a Judio nga agmatalek ken Jehova, uray addada iti palasio ti Babilonia.
LEKSION 60
Maysa a Pagarian nga Agtalinaed iti Agnanayon
Imbaga ni Daniel ti kaipapanan ti tagtagainep ni Nabucodonosor.
LEKSION 61
Saanda a Nagruknoy
Saan a nagruknoy da Sidrac, Mesac, ken Abednego iti balitok nga estatua ti ari ti Babilonia.
LEKSION 62
Maysa a Pagarian a kas iti Dakkel a Kayo
Ti tagtagainep ni Nabucodonosor ket maipapan iti pagbanaganna.
LEKSION 63
Ti Surat iti Diding
Kaano a nagparang daytoy misterioso a surat, ken ania ti kaipapananna?
LEKSION 64
Naipisok ni Daniel iti Abut Dagiti Leon
Inaldaw nga agkararagka ken Jehova, kas ken Daniel!
LEKSION 66
Insuro ni Esdras ti Linteg ti Dios
Kalpasan a dimngeg dagiti Israelita ken Esdras, nagkarida iti Dios.
LEKSION 67
Dagiti Pader ti Jerusalem
Naammuan ni Nehemias a plano dagiti kalabanda ti rumaut. Apay a saan a nagbuteng?
LEKSION 68
Nagsikog ni Elisabet
Apay a naibaga iti asawa ni Elisabet a saan a makapagsao agingga a saan a mayanak ti ubing?
LEKSION 69
Binisita ni Gabriel ni Maria
Adda mensahe nga imbaga ti anghel a nangbalbaliw iti biagna.
LEKSION 70
Impakaammo Dagiti Anghel ti Pannakayanak ni Jesus
Dagus a napan dagiti pastor idiay Betlehem idi nangngegda ti pakaammo.
LEKSION 73
Insagana ni Juan ti Dalan
Nagbalin a propeta ni Juan idi dimmakkel. Insurona nga um-umayen ti Mesias. Ania ti reaksion dagiti tattao iti mensahena?
LEKSION 74
Nagbalin ni Jesus a Mesias
Ania ti kayat a sawen ti imbaga ni Juan a ni Jesus ti Kordero ti Dios?
LEKSION 75
Sinubok ti Diablo ni Jesus
Namitlo a sinubok ti Diablo ni Jesus. Ania ti tallo a pannulisogna? Ania ti inaramid ni Jesus?
LEKSION 76
Dinalusan ni Jesus ti Templo
Apay a pinaruar ni Jesus dagiti animal iti templo ken imbaliktadna dagiti lamisaan dagiti agsuksukat iti kuarta?
LEKSION 77
Ti Babai iti Bubon
Nasdaaw ti maysa a Samaritana idi nakisarita ni Jesus kenkuana. Apay? Ania ti imbaga ni Jesus kenkuana a dina pay imbagbaga iti sabali?
LEKSION 78
Inkasaba ni Jesus ti Maipapan iti Pagarian
Inawis ni Jesus ti dadduma nga adalanna nga agbalin a “mangngalap iti tattao.” Idi agangay, sinanayna ti 70 a pasurotna a mangikasaba iti naimbag a damag.
LEKSION 79
Nagaramid ni Jesus iti Adu a Milagro
Sadinoman ti napananna, nagpatulong kenkuana dagiti masakit ket pinaimbagna ida. Pinagungarna pay ti maysa a balasitang.
LEKSION 80
Nangpili ni Jesus iti Sangapulo ket Dua nga Apostol
Apay a nangpili kadagiti apostol? Malagipmo kadi dagiti naganda?
LEKSION 81
Ti Sermon iti Bantay
Nangisuro ni Jesus kadagiti napateg a leksion kadagiti naguummong a tattao.
LEKSION 82
Sinuruan ni Jesus Dagiti Adalanna nga Agkararag
Ania ti bambanag nga imbagana nga itultuloy a dawaten dagiti adalanna?
LEKSION 83
Nangpakan ni Jesus iti Rinibu a Tattao
Ania ti maadaltayo maipapan ken Jesus ken ni Jehova iti daytoy a milagro?
LEKSION 84
Nagna ni Jesus iti Danum
Mapanunotmo kadi ti narikna dagiti apostol idi nakitada daytoy a milagro?
LEKSION 86
Pinagungar ni Jesus ni Lazaro
Nagsangit ni Jesus idi nakitana nga agsangsangit ni Maria. Ngem di nagbayag, nasukatan iti ragsak dagiti luada.
LEKSION 87
Ti Maudi a Pangrabii ni Jesus
Nangted ni Jesus kadagiti napateg a bilin kadagiti apostolna bayat ti maudi a pangrabiina a kaduana ida.
LEKSION 88
Naaresto ni Jesus
Inturong ni Judas Iscariote dagiti lallaki a nakaiggem iti espada ken pang-or tapno matiliwda ni Jesus.
LEKSION 89
Imbaga ni Pedro a Dina Am-ammo ni Jesus
Ania ti napasamak iti paraangan ti balay ni Caifas? Ania ti napasamak ken Jesus iti uneg ti balay?
LEKSION 91
Napagungar ni Jesus
Ania dagiti nakaskasdaaw a napasamak sumagmamano nga aldaw kalpasan a natay ni Jesus?
LEKSION 93
Nagsubli ni Jesus Idiay Langit
Ngem sakbay dayta, inikkanna dagiti adalanna iti nakapatpateg a bilin.
LEKSION 94
Immawat Dagiti Adalan iti Nasantuan nga Espiritu
Ania a pannakabalin ti inted kadakuada ti nasantuan nga espiritu?
LEKSION 95
Awan Makapasardeng Kadakuada
Dagiti lider ti relihion a nangpapatay ken Jesus kayatda a pasardengen dagiti adalan a mangasaba. Ngem saanda a kabaelan.
LEKSION 96
Pinili ni Jesus ni Saulo
Permi ti panangbusbusor ni Saulo kadagiti Kristiano, ngem nagbalbaliw.
LEKSION 97
Immawat ni Cornelio iti Nasantuan nga Espiritu
Apay nga imbaon ti Dios ni Pedro iti balay daytoy a lalaki a saan a Judio?
LEKSION 98
Immadu ti Nagbalin a Kristiano iti Adu a Nasion
Inrugi ni apostol Pablo ken dagiti misionero a kakaduana ti panangasabada iti adayo a lugar.
LEKSION 99
Naammuan ti Guardia ti Kinapudno
Ania ti koneksion ti demonio, ginggined, ken espada iti daytoy nga estoria?
LEKSION 100
Da Pablo ken Timoteo
Adu a tawen a nagkadkadua a nagserbi dagitoy a lallaki ken imbilangda ti maysa ken maysa kas gayyem.
LEKSION 101
Naibaon ni Pablo Idiay Roma
Nakarigrigat ti panagbiahena, ngem awan ti rigat a makapasardeng iti daytoy nga apostol.
LEKSION 102
Dagiti Nasirmata ni Juan
Nangipakita ni Jesus kenkuana kadagiti agsasaruno a sirmata maipapan iti masanguanan.
LEKSION 103
“Umay Koma ti Pagariam”
Ipakita ti nasirmata ni Juan no kasanonto a balbaliwan ti Pagarian ti Dios ti biag ditoy daga.