Siasino a Talaga ti Mangkonkontrol iti Lubong?
Panagkunam . . .
-
ti Dios?
-
dagiti tattao?
-
adda pay sabali?
TI KUNA TI BIBLIA
“Daydiay Managdakdakes konkontrolenna ti intero a lubong.”—1 Juan 5:19.
“Immay ti Anak ti Dios . . . tapno dadaelenna ti aramid ti diablo.”—1 Juan 3:8, New Century Version.
TI MAIPAAYNA KENKA NO PATIEM DAYTA
Maawatam ti makagapu kadagiti problema iti lubong.—Apocalipsis 12:12.
Makapagtalekka a sumayaatto ti lubongtayo.—1 Juan 2:17.
MAPAGTALKANTAYO KADI TI KUNA TI BIBLIA?
Wen, gapu iti tallo a rason:
-
Asidegen nga agpatingga ti panangituray ni Satanas. Determinado ni Jehova a mamagpatingga iti panangkontrol ni Satanas iti sangatauan. Inkarina a “pukawenna ti Diablo” ken ikkatenna ti amin nga epekto ti inaramid ni Satanas.—Hebreo 2:14, Baro a Lubong a Patarus.
-
Ni Jesu-Kristo ti pinili ti Dios a mangituray iti lubong. Naan-anay a naiduma ni Jesus no idilig iti agdama a naulpit ken managimbubukodan nga agturay iti daytoy a lubong. Inkari ti Dios maipapan iti panagari ni Jesus: “Maasianto kadagiti marigrigat ken napanglaw . . . Isalakannanto ida iti pannakairurumen ken iti kinaranggas.”—Salmo 72:13, 14.
-
Saan nga agulbod ti Dios. Nalawag a kuna ti Biblia: “Imposible nga agulbod ti Dios.” (Hebreo 6:18) No adda ikari ni Jehova nga aramiden, sigurado a tungpalenna! (Isaias 55:10, 11) “Mapapanawto ti agturay iti daytoy a lubong.”—Juan 12:31.
PANUNOTEM
Anianto ngata ti kasasaad inton madadael ti agdama nga agturay iti lubong?
Sungbatan dayta ti Biblia iti SALMO 37:10, 11 ken APOCALIPSIS 21:3, 4.
Baka Kayatmo Met ti
TI PAGWANAWANAN
Apay nga Awan ti Sangalubongan a Talna?
Iti laksid ti panangikagumaan ti adu a tattao, saanda latta a magun-odan ti sangalubongan a talna. Ammuem no apay.
NAGPAPATEG A PANNURSURO TI BIBLIA
Apay nga Ipalpalubos ti Dios ti Panagsagaba?
Adu ti agsalsaludsod no apay a napno ti lubong iti gura ken panagsagaba, wenno panagrigrigat. Naglaon ti Biblia iti makapnek ken makaliwliwa a sungbat.
SUNGBAT DAGITI SALUDSOD MAIPAPAN ITI BIBLIA
Talaga Kadi nga Adda Diablo?
Ti Kadi Diablo ket maysa laeng a kinadakes nga adda iti kaunggan ti tao?
TI PAGWANAWANAN
Rumbeng Kadi nga Agbutengtayo ken Satanas?
Mangipapaay ti Dios iti uppat a probision a mangsalaknib kenka manipud iti impluensia ni Satanas.
MAIPAPAN KADAKAMI
Apay nga Adalem ti Biblia?
Mangipapaay ti Biblia iti sungbat kadagiti napapateg a saludsod ti minilion a tattao iti intero a lubong. Kayatmo met kadi a masungbatan ti saludsodmo?
MAIPAPAN KADAKAMI
Kayatmo Kadi ti Mabisita?
Pagsaritaanyo ti maysa a saludsod maipapan iti Biblia, wenno ammuem ti ad-adu pay maipapan kadagiti Saksi ni Jehova.
