OKTUBRE 31, 2023
RUSSIA

“Saanmo a Kitkitaen ti Napigsa nga Angin”

I-PLAY

Asidegen nga ipakaammo ti Sovietskiy District Court iti Krasnodar ti desisionna maipapan ken Brother Aleksey Lelikov. Saan pay nga imbaga ti prosecutor ti kayatna a sentensia ni Brother Lelikov.

Maipapan Kenkuana

Aleksey Lelikov

Nayanak: 1960 (Krasnodar, Krasnodar Territory)

Pakasaritaan: Nagtrabaho kas music teacher

Nagkasarda ken Irina idi 1979. Naaddaanda iti anak a lalaki ken babai

Agpada nga ateista da Aleksey ken Irina. Nadismaya ni Aleksey kadagiti ideya ti tao. Nakipagadalda kadagiti Saksi ni Jehova ket nabautisaranda a dua idi 1994

Personal a Komento

Ania ti nakatulong kenka tapno maibturam ti panagdanag?

Sumagmamano a bulan kalpasan a nangrugi ti imbestigasion, kanayon a madandanaganak no anianto ti mapasamak kaniak, ken kakaasiak payen ti bagik. Kaslaak ken Pedro a kumitkita iti napigsa nga angin. (Mateo 14:30) Maysa a rabii, permi ti danagko. Isu a sipapasnek a nagkararagak ken Jehova ket kiniddawko a pagkalmaenna ti pusok. Nagimas ti turogko iti dayta a rabii. Ngem kabigatanna, permi manen ti danagko. Nagkararagak manen ken inkagumaak a kontrolen ti panunotko. Impalagipko iti bagik: ‘Gayyemmo da Apo Jehova ken ni Jesus, ket masapul a paneknekam dayta babaen ti panagbalinmo a natured ken matalek. Dimo koma pakadanagan ti mapasamak iti masanguanan ken saanmo a kitkitaen ti napigsa nga angin.’ Ita, nalawlawagen kaniak nga awan ti sabali a naan-anay a makaipaay iti talna ken kinakalmado no di laeng ni Jehova.

Dagiti pagarigan iti panagibtur dagiti kakabsattayo pabilgenna ti pammatitayo iti kari ni Jehova a ‘pagkalmaenna ti napigsa nga angin’ ti panagdanag a mabalin a pakaipasanguantayo.—Salmo 107:28, 29.

Time Line

Enero 20, 2022

Nangrugi ti kriminal a kaso
Enero 28, 2022

Sinukisokda ti balay ni Aleksey. Innalada isuna tapno maimbestigaran ngem nawayawayaan met laeng iti dayta nga aldaw
Pebrero 16, 2023

Nangrugi ti pannakabistana

Baka Kayatmo Met ti

DAMDAMAG

Naibalud Gapu iti Pammatida—Russia

Maibalbalud dagiti Saksi ni Jehova idiay Russia gapu iti pammatida. Ammuem ti pakasaritaanda, ken i-download-mo ti listaan dagiti agdama a nakabalud a Saksi.

DAMDAMAG