Idi Septiembre 2023, nagtudo iti nakapigpigsa iti makintengnga a Greece gapu iti dua a napipigsa a bagyo. Ti napigsa a bagyo a napanaganan iti Daniel ti immuna, a nakaigapuan ti nakaro a panaglayus iti dayta a lugar idi Septiembre 4 agingga iti 7, 2023.

Tallo a lawas kalpasanna, manipud Septiembre 26 agingga iti 28, 2023, nalayus manen dayta a lugar gapu iti sabali pay a napigsa a bagyo a napanaganan iti Elias. Iti maysa a siudad, immabut iti 14 a sentimetro (5.5 in.) ti naibuyat a tudo iti uppat laeng nga oras. Ibaga dagiti report a nagresulta daytoy iti nakaro a pannakadadael kadagiti negosio, pagtaengan, ken kalsada iti lugar. Nasurok a 4,500 a tattao ti napilitan a mangpanaw iti balbalayda. Adda 17 a tattao a natay.

• Awan ti kakabsat a natay

• 1 a baket a kabsat ti nadangran

• 270 a kakabsat ti nagbakuit

• 11 a balay ti interamente a nadadael

• 47 a balay ti nakaro ti pannakadadaelna

• 51 a balay ti saan unay a nadadael

• 2 a Kingdom Hall ti nakaro ti pannakadadaelna

• 6 a Kingdom Hall ti saan unay a nadadael

• Mangipapaay dagiti manangaywan iti sirkito ken lokal a panglakayen iti naespirituan ken praktikal a tulong kadagidiay naapektaran iti didigra

• 2 a Disaster Relief Committee ti naapointaran a mangidaulo iti panangsaranay

Ikarkararagantayo dagiti naapektaran iti nakaro a layus iti Greece ken padpadaanantayo ti tiempo inton pukawen ni Jehova, nga ‘agtugtugaw iti ngatuen ti manglayus a danum,’ ti amin a didigra.—Salmo 29:10.