“Ohe Oluhye ka [hịlẹ] egbejida hi egbahị nya angịnyị nyamwụ ịịwa wuu. Igu ogbugbu ọhẹ-lọhẹ á ka ji kaka. Lee, ida ọbaba bala ida ojeje ọhẹ-lọhẹ ọ-ka jiji kaka. Lee, ang ọjụjụ ọhẹ-lọhẹ, ọ ka ji kaka ịnyịnyị. Chajị, ang myị́ ang inyogo wuu chịpwụrụ kam ugbẹnyị lẹ.”—Ọwụrụụ-wụrụ 21:4, ỊBayịbụụ nya Ohe Oluhye.

Ụkụrwọ ọnyịịla ọlẹ ọ̀ ka wuhi ẹpwụ.—Ayịsaya 65:21-23.

Ẹdụrụ lee akama ọhẹ-lọhẹ á ka ji kaka.—Ayịsaya 25:8; 33:24.

Ahị ka hịhị bala angịnyị nyahị gboyi myị́ oyi ẹ-ẹpwụ nya ọkẹkẹnị.—Eje Ọnyịịla 37:11, 29.

Ee, u-uhye nya ahị nya ẹla imiiye:

• Ohe la ọngịrị nyọka họ ọnụ ọmyịmyị nyamwụ jịra. IJihova kem ịBayịbụụ a wụrụ nya “Agụgụ ọtụka” lẹ, chajị ọngịrị nyamwụ à la ọbaba ka. (Ọwụrụụ-wụrụ 15:3) Lẹ, ọ la ọngịrị nyọka họ ká odehe ọlẹ ka há gụ ọlẹ jaabwọ ọlẹ kọ myị ọnụ. Ọọwa a du ká ịBayịbụụ yẹkẹẹ bwula Ohe oluhye, “ang myị́ ang wuu tị ri ang ọchịkpẹẹ” lẹ.—ỊMatiyu 19:26.

• Ò ri irya nya Ohe nyọka họ ọnụ ọmyịmyị ọwẹ jịra. Ọ-chụ pwokwita, iJihova charịnya, ọ tị́ kpọọ ịpyọ nyọka wule egu eji bwula igu.—IJobu 14:14, 15.

  ỊBayịbụụ ya ịnyịnyị nyori iJisọsị ọnyị nya Ohe Oluhye nyị họ ala ẹdụrụ uda. Ịịyẹ à tị́ du kọ họ ịnyị? O ri irya nyamwụ a du kọ họ ịnyị lẹ. (ỊMakị 1:40, 41) IJisọsị me Adamwụ kpẹẹkpẹẹ, ịnyị a du kọ la irya nyọka da angịnyị ụbwọ lẹ.—ỊJọn 14:9.

  Lẹ, ahị jẹ́ kpakpa nyori iJihova bala iJisọsị tịtọ nyọka dahị ụbwọ kahị ka la ijuju ọnyịịla ẹ-ẹpwụ nya ọkẹkẹnị!—Eje Ọnyịịla 72:12-14; 145:16; 2 iPita 3:9.