IHE Ị GA-EME KA Ị KWỤSỊ ỊKPỌ NDỊ ỌZỌ ASỊ
1 | Elela Mmadụ Anya n’Ihu
Ihe Baịbụl Kwuru:
“Chineke anaghị ele mmadụ anya n’ihu. Kama ná mba ọ bụla, ọ na-anabata onye na-atụ egwu ya, nke na-emekwa ihe dị mma.”—ỌRỤ NDỊOZI 10:34, 35.
Ihe Ọ Pụtara:
Jehova * Chineke anaghị eji obodo anyị, agbụrụ anyị, otú anyị na-acha ma ọ bụkwanụ omenala anyị ekpebi ụdị mmadụ anyị bụ. Kama, ihe ka ya mkpa bụ otú anyị si eche echiche na ihe ndị na-agụ anyị agụụ. N’eziokwu, “mmadụ na-ahụ ihe anya na-ahụ, ma Jehova na-ahụ ihe dị n’obi.”—1 Samuel 16:7.
Ihe I Nwere Ike Ime:
Anyị enweghị ike ịmata ihe dị mmadụ n’obi. Ma, anyị nwere ike ịgbalị na-eme ka Jehova ma ghara ịna-ele ndị mmadụ anya n’ihu. Gbalịa ka ị mata mmadụ nke ọma kama iwere ya otú ndị ọzọ si ewere ndị obodo ha. Ị chọpụta na ị na-ele ndị mmadụ anya ọjọọ, ma eleghị anya, n’ihi na ha si n’agbụrụ ọzọ ma ọ bụkwanụ n’obodo ọzọ, rịọ Chineke ka o nyere gị aka ịkwụsị ya. (Abụ Ọma 139:23, 24) I jiri obi gị niile rịọ Jehova ka o nyere gị aka ka ị ghara ile mmadụ anya n’ihu, obi kwesịrị isi gị ike na ọ ga-anụ ekpere gị ma nyere gị aka.—1 Pita 3:12.
^ Jehova bụ ezigbo aha Chineke.—Abụ Ọma 83:18.
“Mụ na onye ọcha anọtụbeghị ọdụ kwurịta okwu n’udo . . . Ugbu a, eso m n’ezigbo ụmụnna nọ n’ụwa dum.”—TITUS
Isiokwu A Nwekwara Ike Ịmasị Gị
ỤLỌ NCHE
Jehova “Adịghị Ele Mmadụ Anya n’Ihu”
Chineke na-anụ ekpere nke ndị niile na-efe ya na-ekpegara ya n’agbanyeghị agbụrụ ma ọ bụ mba ha si, ma hà nwere ego ma ọ bụ na ha enweghị. Olee otú anyị si mara?
TETA!
Gịnị Ka Baịbụl Kwuru Ịkpa Ókè Agbụrụ?
È nwere agbụrụ ka ibe ya? È nwere mgbe a ga-akwụsị ịkpa ókè agbụrụ?
TETA!
Ịkpọasị Bụ Ọrịa, Ì Bu Ya?
Olee ihe ụfọdụ na-egosi na o nwere ike ịbụ na anyị kpọrọ ndị ọzọ asị?
