Maịka 5:1-15
5 “Ugbu a, unu ndị bi n’obodo a nọchibidoro anọchibido,Unu na-ebekasị onwe unu ahụ́.
A nọchibidola anyị.+
Ha ga-akụ onyeikpe Izrel mkpara na ntì.+
2 Ma gịnwa, Betlehem Efrata,+Obodo kacha obere n’obodo ndị dị na Juda,
Ọ bụ na gị ka onye m ga-eme eze Izrel ga-esi pụta,+Onye dịwara kemgbe oge ochie, kemgbe ọtụtụ afọ.
3 N’ihi ya, Chineke ga-enyefe ha n’aka ndị iro ha
Ruo mgbe nwaanyị ime na-eme ga-amụ nwa.
Mgbe ahụ, ụmụnne ya ndị fọdụrụ ga-alọghachikwute ndị Izrel.
4 Ọ ga-ebili ma jiri ike Jehova zụọ ha ka atụrụ,+Jirikwa ebube nke aha Jehova bụ́ Chineke ya zụọ ha.
Ha ga-ebi ebe ahụ, ahụ́ eruokwa ha ala.+
Ọ ga-abụ onye ukwu n’ebe niile n’ụwa.+
5 Ọ ga-eme ka udo dị.+
Ọ bụrụ na onye Asiria abata n’ala anyị zọda ụlọ elu anyị,+Anyị ga-esi n’ụmụ mmadụ họpụta ndị ọzụzụ atụrụ asaa na ndị isi* asatọ ga-alụso ya ọgụ.
6 Ha ga-eji mma agha lụso Asiria ọgụ,+Lụsokwa Nimrọd+ ọgụ n’ebe ndị e si abanye ya.
Onye Asiria+ ahụ bata n’ala anyị ma zọọ ụkwụ na ya ịlụso anyị ọgụ,Onye na-achị anyị ga-anapụta anyị n’aka ya.
7 N’anya ọtụtụ ndị, ndị fọdụrụ n’ezinụlọ JekọbGa-adị ka igirigi nke si n’ebe Jehova nọ.
Ha ga-adịkwa ka mmiri nke na-ezo n’elu ahịhịa,Nke na-anaghị eche ka mmadụ gwa ya ihe ọ ga-eme,Nke na-anaghịkwa echere ụmụ mmadụ.
8 N’anya mba dị iche icheNakwa n’anya ọtụtụ ndị, ndị fọdụrụ n’ezinụlọ JekọbGa-adị ka ọdụm nke nọ ebe anụ ọhịa ndị ọzọ nọ.
Ha ga-adịkwa ka ọdụm nọ ebe ìgwè atụrụ nọ,Nke ọ na-abụ ọ na-agafe, ya ana-azọpịa ma na-adọri anụ ndị ọzọ.
E nweghịkwa onye na-anapụta ha.
9 Unu ga-emeri ndị iro unu.
A ga-ebibikwa ndị iro unu niile.”
10 Jehova kwuru, sị, “N’ụbọchị ahụ,M ga-ebibi ịnyịnya unu na ụgbọ ịnyịnya unu.
11 M ga-ebibi obodo ndị dị n’ala unu,Kwatuokwa ebe niile unu rụsiri ike.
12 M ga-eme ka unu kwụsị ịgba afa,*A gaghịkwa enwe onye ọ bụla n’ime unu nke na-eme anwansi.*+
13 M ga-ebibi arụsị unu a pịrị apị na ogidi unu.
Unu agaghịzi akpọrọ ihe unu ji aka unu rụọ isiala.+
14 M ga-efopụ ogwe osisi arụsị*+ niile unu,Laakwa obodo unu niile n’iyi.
15 M ga-eji iwe na ọnụma kwụọ
Mba ndị na-erubereghị m isi ụgwọ.”
Ihe E Dere n'Ala Ala Peeji
^ Ma ọ bụ “ndị ndú.”
^ Na Hibru, “ka ịgba afa dị n’aka gị kwụsị.”
^ Ma ọ bụ “majik.”
^ Gụọ Nkọwa Okwu.
