Jé Udánīyɛ̄lu 9:​1-19 o ya ɛɛ ku á nwu ɛlā lɛyikwu ɛgɛ nōo klɔcɛ lipu lipu lɔfu ta uwɔ abɔ a.

Leyi yɛ ɔ̄kā a lɔɔlɔhi. Aɔdā ōhī nyá ya nōó gboji ɛ ŋ ma, ɛgɛnyá nōó kē lɛ abɔ kwu Udaniyɛlu a? (Udán. 5:29–6:5) Ɛgɛnyá nɛ ɔtu gē yɛ i ya uwɔ lɛ ɔdaŋ ka awɔ gē yɛ i wɛ Udaniyɛlu a?

Jé Gɔbu. ‘Ɔ́kpa ihɔ’ nyá nɛ Udaniyɛlu lɔfu jila má a? (Udán. 9:2; w23.08 p.4 ¶7) Ipu ɔkɔ nɛ Udaniyɛlu gba nōo yɔ ipu ɔkpá ku Udánīyɛ̄lu 9:​11-13 a, ɛgɛnyá nɛ Udaniyɛlu mafu ka ó wɛ ɔcɛ oklɔcɛ ku Ɛlā ku Ɔwɔico lipu lipu a?—Ulīf. 26:​39-42; 1 Aɔ́cɛ́ 8:​46-50.

Gbɛla tu ɛlā nɛ a nwu a. Da iyi uwɔ ɔka kahinii:

• ‘Ɔdi nɛ um lɔfu ya o ya ɛɛ ku aɔdā nōo yɔ i ya ipu ɛcɛ nyā a kóō hii je um ɛlá ŋ ma?’ (Umáy. 7:7)

• ‘Ɛgɛnyá nɛ um lɔfu lɛ itene ŋma ō klɔcɛ ku Ɛlā ku Ɔwɔico lipu lipu ɛgɛ nɛ Udaniyɛlu ya a?’ (w04 8/1 12 ¶17)

• ‘Ikpɛyi ɛlā oklɔcɛ nyá nɛ um lɔfu klɔcɛ abɔyi um nōo géē ta um abɔ ō “lɛ eyī kwɛcɛ” a?’ (Umát. 24:​42, 44; w12 8/15 5 ¶7-8)