MALUKAG! Num. 2 2018 | 12 nga Sekreto na Magayayya nga Familia
12 nga Sekreto na Magayayya nga Familia
Aru i maginna tam nga problema na nadaral ira nga familia. Ngem anni i nakoffun ta magayayya ira nga familia?
Ta nallatanan na 1990 anna 2015, naddoble i bilang na nakidiborsio ta Estados Unidos turi ira ta magedad tu maturu 50 anna nattriple gapa turi ira ta magedad tu maturu 65.
Magulu-guluan i magana ira: Irekomenda na karuan nga eksperto nga kanayun nga komendan i ána ira, ngem ipagaram gapa na tanakuan i sobra nga ka-istrikto.
Magadulto i kabataan ira ngem awan nira i kawagan nga abilidad tapenu makasta i pattuppaladda.
Ngem i kurug . . .
Awayyana mabbalin tu magayayya anna permanente i pagatawa.
Awayya magigiammu na magana ira nga disiplinan i ánada gukaban na aya.
Awayya mapeggan na kabataan ira tu abilidad nga kawagadda ta pagadulto.
Kunnasi? Magigiammu taw nga isyu na Malukag! i 12 nga sekreto na magayayya nga familia.
1: Kinamatalo
Makoffun ta magatawa i tallu nga praktikal nga suhestion tapenu ari maggungay.
2: Pakka-uffun
Gittana kabbalem kari laman i atawam?
3: Respeto
Gigiammuan i importante ira nga uvovug anna annangngua tapenu masiguradu nga matageno na atawam i respeto.
4: Pamakoma
Anni i makoffun nikaw nga palampasan i pakkafian na atawam?
5: Komunikasion
Makoffun i tallu nga importante nga dakkua tapenu maddukko ka ta ána mu.
6: Disiplina
Pakafian kari na disiplina i nono na abbing?
7: Prinsipio
Anni ira nga estandarte i mawag nga ituddum ta ána mu?
8: Ehemplo
Nu kayà mu nga ginnan naka na ána mu, mawag tu kukukuammu i kakkagiammu.
9: Kata-katolay
Kunnasi nga metaddaggan na kabataan ira i kuru-kurugadda?
10: Mapattalakkan
Importante ta pagadulto i pattalo na magana mu.
11: Malappo
Nu ammum i mattrabahu tu mapia durante nga kabataan ka paga laman, makasta noka i pattuppalan na ngamin nga kuammu ta pattolem.
12: Goal
Nu metuppal mu i goal mu ira, massikan i komfiansam, malladda i pakikkofummu, anna mas magayayya ka.
Aru Paga nga Uffun Para ta Familia
Makoffun i tabarang na Biblia tapenu mapeggakka tu magayayya nga pagatawa anna familia.
