Kami bepanggai ngagai prinsip Bup Kudus pasal tikah sereta sarak. Petara udah ngepunka tikah ti belama iya ba entara seiku lelaki enggau seiku indu. Nitihka prinsip Bup Kudus, semina pengawa butang aja ulih nyadi kebuah tau sarak.—Matthew 19:5, 6, 9.

 Au, nengah beberapa iti chara:

•   Litaricha Bup Kudus. Litaricha ke nitihka prinsip Bup Kudus, ngembuan mayuh topik ti ulih negap sereta nyelamatka tikah ke bisi penanggul ti besai. Ngambika chunto, peda artikel ke betajuk: “Mempertahankan Komitmen Dalam Perkahwinan,” “Bagaimana agar Bisa Memaafkan,” enggau “Membangun Kembali Kepercayaan.” (Semua artikel tu disediaka dalam bansa jaku Indonesia.)

•   Datai gempuru. Kami berandauka lalau ti manah sereta ulih dikena ari Bup Kudus pasal tikah maya ba gempuru, gempuru besai sereta konvensyen kami.

•   Tuai gempuru. Tuai gempuru ba eklisia nulung laki bini enggau chara meri sida lalau bepelasarka ayat Bup Kudus, ngambika chunto Epesus 5:22-25.

 Enda. Taja pan tuai gempuru dipinta nulung laki bini ke napi penanggul ba tikah, tang sida nadai hak ngaga pemutus ke tikah orang bukai. (Galatia 6:5) Pia mega, orang ke sarak enggau nadai kebuah ke nitihka prinsip Bup Kudus enda ulih sepeneka sida deka kawin baru.—1 Timoti 3:1, 5, 12.

 Bup Kudus tetap meransang laki bini idup begulai taja pan bisi penanggul dalam tikah sida. (1 Korint 7:10-16) Laki bini ulih mutarka mayuh penanggul enti seduai iya bebendar besampi, nitihka prinsip Bup Kudus, sereta sama bela ngayanka pengerindu.—1 Korint 13:4-8; Galatia 5:22.

 Tang, bisi sekeda orang Kristian milih deka beserara enggau kaling pengidup sida, ketegal penanggul ti berat baka ba baruh tu:

•   Enggai nupi diri sebilik.—1 Timoti 5:8.

•   Dijamah.—Masmur 11:5.

•   Seseiku Saksi engka dipejal kaling pengidup sida ngelanggar pesan Petara. Pia mega, iya ngasaika beserara nya aja meh chara ke ulih ngasuh iya ngasika pesan Petara, tang ukai ngasika mensia.—Kereja Rasul 5:29.