Mayuh orang ba serata dunya berasai sunyi. Kelimpah ari nya, sida ngasaika tusah deka nyadi kaban rapat orang bukai. Sekeda pakar pechaya, orang ke baka nya ulih muai asai ati tu enti sida nulung orang bukai.

•   “Lebuh kitai nulung orang bukai ke begunaka tulung, tu ulih meri tuju ba pengidup kitai. Nya mega ulih nulung kitai muai asai ati ti sunyi sereta ngembuan kaul ti rapat enggau orang bukai.”—National Institutes of Health, Amerika Serikat.

 Bup Kudus meri sekeda jaku lalau ti praktikal pasal chara kitai ulih nulung orang bukai. Enti kitai nitihka jaku lalau nya, kitai ulih muai asai sunyi.

 Ayanka pengerah jari. Giga peluang begulai enggau orang bukai, kelebih agi betunga mua. Bekunsi meh utai ti dikemisi nuan. Lebuh nuan ngereja tu, sida deka beterima kasih lalu tu deka nulung kita nyadi kaban.

•   Prinsip Bup Kudus: “Anang ngetu meri utai ti dikemisi kita ngagai orang, lalu orang deka meri utai ke dikemisi sida ngagai kita.”—Luke 6:38.

 Tulung orang bukai. Giga chara nulung orang bukai ke benung ditinggang penusah. Tu nyengkaum ngayanka penyiru lebuh ningaka sebana sida. Nuan mega ulih ngereja utai ti praktikal ke ulih ngelempungka beban sida.

•   Prinsip Bup Kudus: “Pangan endang seruran ngayanka pengerindu sida.”—Jaku-Dalam 17:17.

 Kena nemu mayuh agi pasal chara nuan ulih ngetanka kaul ti manah enggau orang bukai, bacha artikel “Penemu-Dalam ti Ngemanahka Kaul.”