Mayuh orang bebendar gawa kena ngulihka utai ke diguna ba pengidup ninting hari. Sayau amat, lebuh bencana tauka penanggul nyadi, tusah agi ke sida deka ngulihka utai ke diguna ninting hari. Nama kebuah?

• Kos pengidup majak niki, nyengkaum rega pemakai sereta endur diau.

• Orang ke nadai kereja majak nambah tauka gaji dikurangka.

• Bencana engka ngerusak endur bebisnis, rumah tauka keresa bukai. Tu ngasuh mayuh orang balat agi suntuk.

• Enti nuan nemu ngatur belanja, nuan deka besedia agi napi penanggul.

• Kingatka, gaji, duit simpan, sereta reta tengkira ukai jamin ti pemadu manah, laban utai nya ulih nadai rega.

• Duit enda ulih meli pengelantang enggau diri sebilik ke beserakup.

Ajar Bup Kudus: “Enti kitai bisi pemakai enggau gari, kitai patut nemu puas ati ke nya.”—1 Timoti 6:8.

Enti kitai ngurangka pengingin sereta puas ati enggau utai ke dikemisi ninting hari, kitai deka berasai gaga. Utai tu penting enti gaji kitai nyau kurang.

Nuan engka patut ngubah chara pengidup. Enti belanja nuan besai agi ari gaji nuan, penanggul nuan ba duit deka balat agi.